सिद्धकालीमा फुलपाती बढा

मोहन कुमार राई ÷ कार्तिक ४ गते | संखुवासभा, चैनपुर स्थित सिद्धकाली मन्दिरमा पूजा आरधाना सँगै धुमधाका साथ फुलपाति बढाई भएको छ ।

नेपालीहरुको महान चाड वडादशै फुलपाती आज घरघरमा भित्र्याइदै छ । आज विहानै सिद्धकाली मन्दिरमा पूजा आरधना गर्नका साथै फुलपाती बढाई हेर्नेको भिडभाड हुने गर्दछ ।

नवरात्रको सातौ दिन फुलपाति सिद्धकाली मन्दिरमा देवीको पूजा अरधना सँगै घरघरमा स्थापना गरिएको नवदुर्गा  एवं दशैघरमा फूलपाती भित्राइने गरिन्छ । शुभसाइतको प्रतिकको रुपमा उखु, हलेदो, केराको बोट, धानको वाला, बेलपत्र, दारिम, अशोकको फूल लगायतको वनस्पतिलाई फुलपाति भित्राइने मन्दिरका पुजारी ओम पुरीले वताए ।  शिद्धकाली शक्तिपीठमा विधि पूर्वक पूजाआरधना गरी सशस्त्र प्रहरी ४ नं.अरुण गुल्म संखुवासभा तथा इलाका प्रहरी कार्यलय चैनपुर एक टुकडीले सलामी अर्पन गरेसँगै दशैघरमा फूलपाती भित्राइएको हो ।

आज यस मन्दिरमा जिल्ला र जिल्ला वाहिर टाढा–टाढादेखि देविको दर्शन गर्ने सयौको संख्यामा उपस्थित हुने गर्दछ ।  सिद्धकाली मन्दिरको दर्शन गर्नाले चिताएको मनोकांक्षा पुरा हुने जनविश्वास रही आएको छ । दशै रमाइलो सँगै सामाजिक सदभाव, धार्मिक विश्वास, भावनात्मक सम्बन्धलाई जोडेको पाइन्छ ।