कांग्रेसको जिल्ला सम्मेलनको सम्पूर्ण तयारी पूरा-३ हजार ५५५ क्षेत्रीय प्रतिनिधि सहभागी हुने

विराटनगर ÷ १४ अेो महाधिवेशनपछि पहिलोपटक हुन लागेको नेपाली कांग्रेस मोरङको जिल्ला सम्मेलनको सम्पूर्ण तयारी पूरा भएको छ । सम्मेलन बुधबार विराटचोकमा सुरु हुँदैछ । 

नेपाली कांग्रेस मोरङले मंगलबार सम्मेलन आयोजनास्थल विराटचोकमा पत्रकार सम्मेलन गरेर सम्पूर्ण तयारी पूरा भएको जनाएको छ । नेपाली कांग्रेसका वरिष्ठ नेता डा. शेखर कोइरालाले उद्घाटन गर्ने सम्मेलनमा जिल्लाका १७ वटै पालिकाका ३ हजार ५५५ जना क्षेत्रीय प्रतिनिधिहरु सहभागी हुने नेपाल सरकारका युवा तथा खेलकुदमन्त्रीसमेत रहनुभएका नेपाली कांग्रेस मोरङकासभापतिडिगबहादुर लिम्बूले जानकारी दिनुभयो । सम्मेलनमा विधान संशोधन मुख्य एजेण्डाकाका रुपमा प्रस्तुत गरिने लिम्बूले बताउनुभयो । 

त्यस्तै प्रशिक्षण,अन्तर जिल्ला भ्रमण, सांस्कृतिक अभियानलगायतका प्रस्तावमाथिबन्दसत्रमाछलफल हुने सभापति लिम्बूलेजानकारी दिनुभयो । सम्मेलन सफल बनाउन सभापति लिम्बूको संयोजकत्वमा २५१ सदस्यीय तयारी समिति गठन गरिएको छ । 

त्यस्तै सम्मेलनलाई भव्य बनाउन मञ्च व्यवस्थापन, स्वयमसेवक परिचाजन, अतिथि सत्कार, प्रचारप्रसारलगायतका उपसमिति गठन गरिएको सचिव ललित श्रेष्ठले बताउनुभयो । उहाँका अनुसार सम्मेलनमा राजनैतिक, सांगठानिक र आर्थिक प्रतिवेदन प्रस्तुत गरिनेछ । मोरङ कांग्रेसमा ३० हजार ६२९ जना क्रियाशील सदस्य रहेका छन् । सम्मेलनले कांग्रेसलाई थप बलियो बनाउने उहाँले बताउनभयो । पत्रकार सम्मेलनमा उपसभापति भक्तिनाथ माझी, सचिवद्वय ललित श्रेष्ठ, मोदराज घिमिरे, कोषाध्यक्ष रञ्जु अधिकारी, सहसचिवद्वय भुवनेश्वर मण्डल, सञ्जय मण्डललगायतको सहभागिता रहेको थियो ।