म्युजिक भिडियो सार्वजनिक

संखुवासाभा | चैनपुर सेरोफेरोलाई समेटिएको एक म्युजिक भिडियो एक कार्यक्रमका बीच सार्वजनिक गरेको छ ।

सोमबार सेजल डान्स सेन्टर द्वारा आयोजित कार्यक्रमा ‘मेरो चैनपुर’ बोलको म्युजिक भिडियो सार्वजनिक गरेको डान्स सेन्टरका प्रोपाइटर साजन राईले जानकारी दिनुभयो । चैनपुर नगरपालिका भित्र सिद्धकाली मन्दिर, वानेश्वर, चैनपुर बजार तथा चैनपुर स्थित धार्मिक स्थलहरुमा छायाँङ्कन गरिएको म्युजिक भिडियो पर्यटन प्रर्वधन, सम्वर्धनका लागि टेवा पुग्योस भन्ने उद्देश्यले मेरो चैनपुर नामक म्युजिक भिडियो तयार पारिएको गायक तथा संगितकार पर्वत श्रेष्ठले वताउनुभयो ।

म्युजिक भिडियोमा कलाकारहरु साजन राई, सिम्रन निम्बा, अरमिन श्रेष्ठ, नमुना घिमिरे, निमा शेर्पा, सुहाना पासवान, सुरेन श्रेष्ठ, जनेश कर्मचार्य अभिनय गरेका छन् । भिडियोको व्यवस्थापक तथा सृगार पाटनर आशा श्रेष्ठ रहेको थियो । म्युजिक भिडियोको कोरियो ग्राफिस्ट मलिका श्रेष्ठ रहेको थियो ।

‘कला र संस्कृतिको सम्मान, तपाई हाम्रो पहिचान’ भन्ने मूल नाराका साथ सम्पन्न उक्त कार्यक्रममा गायक सुरेन श्रेष्ठ र चैनपुर नगरपालिकाका उप प्रमुख एलिना श्रेष्ठ द्धारा संयुक्त रुपमा व्यानर पढेर र भिडियो अन गरेर उद्घाटन गरिएको थियो ।

सेजल डान्स सेन्टरका गोकुल श्रेष्ठको सभापतित्वमा सम्पन्न कार्यक्रममा दिपावलीको अवसरमा खेलाइएको देउसी भैलो कार्यक्रममा सहभागी भाइवहिनीहरुलाई सम्मानित समेत गरिएको थियो ।