.gif)
विराटनगर ÷ विराटनगर महानगरपालिकाले छठ पूजामा आउने बालबालिका र भक्तजनहरु खोलामा डुब्ने जोखिमलाई ध्यानमा राखेर उद्धार टोली परिचालन गरेको छ ।
नेपाल प्रहरी र नगर प्रहरीको संयुक्त उद्धार टोली सिंघिया खोलामा परिचालन गरिएको नगर प्रहरीका प्रमुख राजन पौडेलले जानकारी दिए । मेयर नागेश कोइराला र उपमेयर शिल्पा निराला कार्कीको निर्देशनअनुसार नगर प्रहरी र नेपाल प्रहरीका ८ जना विशेष तालिम प्राप्त उद्धार टोली (गोताखोर) परिचालन गरिएको पौडेलले बताए ।
विगतमा खोलामा डुबेर केही बालबालिका र भक्तजनहरु घाइतेसमेत भएका थिए । सोही जोखिमलाई ध्यानमा राखेर नेपाल प्रहरीसित समन्वय गरेर उद्धार टोली परिचालन गरेको नगर प्रहरी प्रमुख पौडेलले बताए । “सो टोली उद्धारका लागि आवश्यक सामग्रीसहित खोलामै स्टेनवाई बस्छ,” उनले भने, “कतै घटना भइहाले तत्कालै पुगेर उद्धार गर्छ ।”
Post a Comment