दोर्जेलिङमा बिहीबार दिउँसो विद्युत सर्ट भै आँग लागी हुदा २ वटा घर जलेर नष्ट

श्याम राई, उदयपुर  गाईघाट, १४ बैशाख | उदयपुरको रौतामाई गाउँपालिकाको दोर्जेलिङमा बिहीबार दिउँसो विद्युत सर्ट भै आँग लागी हुदा २ वटा घर जलेर नष्ट भएको छ, साथै २० लाख मुल्य बराबरको क्षेति भएको छ ।

रौतामाई–७ स्थित दोर्जेलिङका खड्ग बहादुर कटुवाल र निजका छोरा बिष्णुको २ वटा घर, २ वटा गुवाली र बाख्राको खोर सहित घरमा रहेको खाद्यान्य, धनमाल लत्ताक कपडा आँग लागिबाट जलेर नष्ट भएको प्रहरीले जनाएको छ ।

दिउँसो घरमा कोही नभएको बेला आँग लागि हुदा उनीहरुले घर भित्रका कुनै सामानहरु निकाल्न नपाएको वडा अध्यक्ष दिपेन्द्र दाहालले बताए । पिडित परिवारलाई वडाले त्रिपाल, चामल, दाल लगायतका खाद्यान्य सामाग्री उपलब्ध गराएको उनले बताए ।