RatoTara.com

  स्वतन्त्र पत्रकार - तेजेन्द्रबहादुर भण्डारी,

श्याम राई, उदयपुर  गाईघाट, १३ श्रावण | कम ईन्धन दिएर उपभोक्ता ठगी गरेको आरोपमा प्रहरीले उर्जा पेट्रोल पम्पका संचालक बैधनाथ साह बिरुद्ध कार्बाही चलाउने तयारी गरेको छ ।

त्रियुगा नगरपालिका–११ स्थित रियाज पेट्रोल पम्प ठेक्का लिएर  संचालन गर्दै आएका सिराह धनगढीका साहले ईन्धनमा ठगी गरेको आरोप लाग्दै आएको थियो । आईतबार उनले ठेक्का लिएर संचालन गर्दै आएको रियाज पेट्रोल पम्पमा तेल हाल्न आएको सबारी साधनमा कम परिणाममा  तेल हालेर ठगी गरेको प्रमाणित भएपछि प्रहरीले पम्पमा तालाबन्दीगरि संचालक साहलाई प्रहरी कार्यालयमा उपस्थिति हुन पत्रचार गरेको छ । तर साह भने घट्ना लगत्तै फरार भएकाछन् ।

तेल भर्ने पम्पले सबारी साधनको ट्याकीमा तेल हाल्दा उल्लेख गरिएको परिणाममा तेल नझर्ने गरि मिलाएर उपभोक्तलाई ठगी गर्ने गरेको पाईएको प्रहरीले जनाएको छ । मुल्य र तेलको परिणाम सही देखिए पनि सबारी साधनमा तेल भने कम परिणाममा हाल्ने गरिएको थियो । 

साहले आफनै पेट्रोल पम्प उर्जाबाट समेत उपभोक्तालाई ठगी गर्ने गरेको गुनासो आईरहेको प्रहरीले जनाएको छ । उनले कम परिणाममा ईन्धन भरेर उपभोक्तासँग बढी मुल्य लिने गरेको आईरहेको उपभोक्ता मंञ्च उदयपुरका अध्यक्ष बद्री प्रसाद काफ्लेले बताए ।

 

 

 

 

 

धरान ।  सामाजिक सेवा समर्पित संस्था रोटरी क्लब अफ घोपाले  धरानमा वृक्षारोपण गरेको छ । धरान १४ स्थित नारयणपुरमा रहेको संस्कृत विद्यालय र पिण्डेश्वर विद्यापीठ हाता भित्र  रोटरी क्लब अफ घोपाले वृक्षारोपण गरेको हो ।

क्लबले  नारायणपुरमा रहेको पिण्डेश्वर विद्यालयमा तथा पिण्डेश्वर विद्यापिण्ठमा विभिन्न फलफूलका बिरुवा रोपेको हो । पिण्डेश्वर विद्यालय र विद्यापिठ परिसरमा विभिन्न फलफूलका २ सय बिरुवा रोपेएिको हो ।  क्लबले लिची, एभोकाडो ,चिउरी,जामुन लगायतका फलफूलका बिरुवा रोपिएको अध्यक्ष गौरभमान श्रेष्ठले जानकारी दिए । 

जलवायु परिवर्तनको विश्वव्यापी असर कम गर्न सकारात्मक सन्देश दिन वृक्षारोपण कार्यक्रम गरिएको कार्यक्रमका संयोजक प्रदिपकुमार श्रेष्ठले जानकारी दिनु भयो । विषेश गरि पिद्यापिडमा र विद्यालय दुवै आवसित भएकोले यहाँ अध्ययन गर्नै तथा होस्टेलमा बस्ने विद्यार्थीहरूलाई लक्षित गरी फलफूलको बिरुवा रोपेको संयोजक श्रेष्ठले बताए  । 

वृक्षारोपण कार्यक्रममा प्राध्यापक डाक्टर चन्द्रमणि नेपाल , कोसी प्रदेश सभा सदस्य यशोदा कायस्थ, क्लबका पदाधिकारी सदस्य लगाएका तको सहभागिता रहेको थियो । 

श्याम राई, उदयपुर गाईघाट, ११ श्रावण | कटारी हुँदै उदयपुरगढी जोडिने ग्रामीण सडक अबरुद्ध भएको झण्डै दुई सातापछि बुधबारदेखि मर्मत सम्भारको काम शुरु भएको छ ।

असार २२ गतेको भारी बर्षाको कारण कटारी नगरपालिका–७ को खालुखोल्सामा आएको पहिरोले सडक बगाएपछि कटारी देखि बुढाबुढी, गैया हुदै उदयपुरगढीको ब्यासे, बाहुनटार–ताप्लि जोडिने सडक अबरुद्ध भएको थियो । बाटो अबरुद्ध हुँदा झण्डै दुई सातादेखि कुनै पनि सवारी साधन नचल्दा पहाडी भेगका बासिन्दाहरुलाई आबतजावतमा निकै समस्या भएको गैयाका प्रेम कार्कीले बताए । हामीलाई अहिले निकै समस्या भएको छ , पैदल हिड्न समेत कठिन भएको उनले बताए ।

बर्षा पछिको पहिरोले १०० मिटर बाटो बगाएको छ । बाटो मर्मत सम्भार कतैबाट हुन सकेको छैन । उनले भने । कटारीका मेयर राजेश चन्द्र श्रेष्ठले उदयपुरगढी गाउँपालिकासँग समन्वयगरि बाटो मर्मत सम्भारको शुरु गरिएको बताए । बाटो मर्मत नहुदा माथिल्लो भेगका जनतालाई निकै समस्या परेको थियो । त्येसैले बाटो जसरी भए पनि मर्मत गरेर यातायात सुचारु गर्नु परेको उनले बताए ।

उनले अब एक हप्ता भित्र बाटो मर्मत सम्भार गरेर यातायात पुःन संचालन गरिने बताए ।

झापा, साउन १० गते । बिर्तामोड उद्योग वाणिज्य संघको विशिष्ठ सदस्यमा निर्मल भट्टराईलाई मनोनित गरिएको छ ।

संघको विधान २०७३ को परिच्छेद नंं। ३ को दफा ६।१ को उपदफा “घ” मा व्यवस्था भए अनुसार संघको कार्यकारिणी समितिको बिशिष्ठ सदस्यमा भट्टराईलाई मनोनयन गरिएको हो । विहीवार बसेको संघको कार्यसमितिको बैठकले निर्मल स्टोरका प्रोप्राइटर समेत रहेका भट्टराईलाई वाणिज्य संघको विशिष्ठ सदस्य पदमा मनोनित गरिएको संघका अध्यक्ष राजु न्यौपानेले जानकारी दिए ।

बिर्तामोडका युवा व्यवसायी भट्टराई नेपाल अलैंची ब्यवसायी महासंघका केन्द्री सदस्य हुन् । उनी एभरेष्ट लार्ज कार्डमम इन्ड्रिष्टिका अध्यक्ष समेत रहेका छन् । बिर्तामोड ५ निवासी भट्टराई  विभिन्न सामाजिक संघ संस्थामा समेत क्रियाशील छन् । उनी लोकप्रिय युवा व्यवसायीका रुपमा चिनिन्छन् ।

काठमाडौं । बिबाहित महिलाहरुबीचको सौन्दर्य प्रतियोगिता मिसेस नेपाल वल्र्ड २०२४ को लागि बिहिवारबाट आवेदन खुल्ला भएको छ। 

विहिवार राजधानीको कमलादिस्थित दुई सय ५६ फिट उचाईको २२औं तल्लामा अवस्थित स्काई वाक टावरमा पत्रकार भेटघाट गर्दै आयोजक संस्था रिवन इन्टरटेनमेन्टले मिसेस नेपाल वल्र्डका लागि आवेदन खुल्ला गरिएको जानकारी गराएको हो।

आयोजक संस्थाका अध्यक्ष निशुकान्त झाले नयाँ संस्करणको मिसेस नेपाल वल्र्ड २०२४ आगामी कात्तिक १० गते कमलादिस्थित नेपाल प्रज्ञा प्रतिष्ठानमा हुनेछ। यसका लागि आगामी भाद्र ८ गते नयाँ वानेश्वस्थित अर्याल इन्टरनेशनल होटलमा पहिलो चरण्को अडिसन गरिने झाले जानकारी गराए। 

यस वर्ष पनि मिसेस नेपाल वल्र्डको विजेताले अमेरिकामा हुने मिसेस वल्र्डमा सहभागिता जनाउने अवसर प्राप्त गर्ने जानकारी उनले गराए। यसका साथसाथै, सोही मञ्चमा मिसेस नेपाल इन्टरनेसनल र एमएस इन्टरनेसनल उपाधि विजेता समेत चयन गरिने आयोजक निशुकान्त झाले जानकारी गराए। ‘यस पटक हामी केहि परिमार्जित र फरक किसिमले कार्यक्रम गर्ने छौँ। जुन, महिला सशक्तिकरणका लागि उपलब्धिमुलक कार्यक्रम सावित हुनेछ’ उनले भने।

कार्यक्रममा मिसेस नेपाल वल्र्ड २०२३ तथा मिसेस वल्र्डकी ह्युम्यनेटेरियन अवार्ड २०२३ विजेता पृथ्वीया थापाले यस प्रतियागीताले विवाहित र विभिन्न पेशामा आवद्ध महिलाईलाई थप माथि उठ्ने मौका दिने बताईन्। उनले मिसेस नेपाल वल्र्ड २०२३ को हैसियतले आफूले अमेरिकामा सम्पन्न मिसेस वल्र्डमा सहभागी भएर मिसेस ह्युम्यानेटेरियनको उपाधि जित्दाको अनुभव शेयर गर्दै मिसेस नेपाल वल्र्डमा सहभागी भएपश्चात आफूले विभिन्न संघ संस्थामा आवद्ध भई बालबालिकाका क्षेत्रमा काम गर्दै आएको बताईन्।

 त्यस्तै एमएस नेपाल २०२३ सिता सुवेदीले विवाहित महिलालाई अगाडि बढ्नका लागि मिसेस वल्र्ड निकै उपयोगी मञ्च भएको बताईन्। ‘यो प्ल्याटफर्म नभएको भए शायद मैले यो यात्रा शूरु गर्न सक्दिनथँे  होला। प्रतियोगिताको विजेता बन्नु भनेको टाईटल जित्नु मात्र नभई व्यक्तित्व विकास तथा आफूमा भएका कमीकमजोरीलाई निखार्दै अगाडि बढ्ने कला सिक्नु पनि हो’ कथ्थक नृत्यागंंना समेत रहेकी सिताले आफूले विभिन्न अप्ठेरोलाई चिर्दै मेहनत गर्दै गएर एमएस नेपालको उपाधि जितेको अनुभव सुनाउँदै प्रतिस्पर्धामा सबै स्पर्धीलाई समान अवसर र तालिम दिईने गरको अनुभव भएको बताइन्। 

प्रतियोगिताका कोरियोग्राफर आश्विनी कान्त झाले मिसेस नेपाल वल्र्डलाई यस पटक बृहत ढंगले आयोजना गर्न लागेको बताए। ‘हामी मिसेस नेपालको विजेतालाई अमेरिकामा हुने मिसेस वल्र्डको अन्तराष्ट्रिय संस्करणमा नेपालको प्रतिनिधित्व गर्न पठाउँछौं। नेपाली समुदाय र संघ संस्थाहरुसंग समन्वय र सहज वातावरण तय गर्नका लागि म केहि समय अमेरिका गएर हालै फर्किएको छु। त्यस आधारमा मिसेस वल्र्डको यात्रा हाम्रा लागि अझै सहज हुने विश्वास लिएको छु’ उनले भने। 

प्रतियोगिताका सल्लाहकार तथा पत्रकार विदुर गिरीले मिसेस नेपाल लवल्र्डले प्रत्येक वर्ष उचाई लिईरहेको चर्चा गर्दै आगामी कार्यक्रमले थप उचाई लियोस् भन्दै शुभकामना दिए। स्काई वाक टावरका प्रमूख कार्यकारी अधिकृत कविन्द्र श्रेष्ठले विवाहपछि महिलाहरु अगाडि बढ्न असजिलो हुन्छ भनिने नेपाली समाजमा  रिबन ईन्टटेन्मेन्टले विवाहित महिलाका लागि आयोजना गर्दै आईरहेको कार्यक्रममा जोडिन पाउँदा खुशी व्यक्त गरे। कार्यक्रममा स्काई भ्यु टावरको टुप्पोबाट मिसेस नेपाल वल्र्डको व्यानर प्रदर्शन गरिएको थियो।

आयोजक संस्थाका अनुसार मिसेस नेपाल इन्टरनेसनल र एमएस इन्टरनेसनलको विजेतालाई सिंगापुरमा हुने प्रतियोगितामा सहभागिताको लागि अवसर मिलाइएको छ। सम्राट शाह र रानी खरेलको संयोजनमा हुने प्रतियोगिताका लागि विभिन्न विधाका विज्ञहरुले प्रशिक्षण दिनेछन्। 

मोरङ, साउन १० गते । कोशी प्रदेश प्रहरी कार्यालय बिराटनगरको अनुसन्धान समुह ९एक्ष्त्० र लागू औषध नियन्त्रण ब्युरो विराटनगरबाट संयुक्त रुपमा खटिएको प्रहरी टोलीले ठुलो परिमाणको बेबारीसे गाँजा बरामद छ । 

आज बिहान विराटनगर महानगरपालिका ११ बुद्द विहार मार्गमा बेबारीसे अवस्थामा रहेको द्यच् ज्ञज्ञएऋ छण्ज्ञट नम्बरको गडीलाई शंकालागी चेकजाँच गर्दा गाडी भित्र रहेको ५ वटा झोलामा  १ सय ४५ किलोग्राम गाँजा बरामद गरेको हो ।

 बरामद गाँजा र गाडीको सम्बन्धमा जिल्ला प्रहरी कार्यालय मोरङबाट थप अनुसन्धान भईरहेको छ ।

विराटनगर, श्रावण ८ गते । कोशी प्रदेश प्रहरी कार्यालय विराटनगरले आर्थिक बर्ष २०८०र०८१ को बार्षिक कार्य प्रगति विवरण प्रत्रकार सम्मेलन मार्फत सार्वजनिकीकरण गरेको छ । आज दिउँसो कोशी प्रदेश प्रहरी कार्यालय विराटनगरको सभाहलमा आयोजित कार्यक्रमका वीच कोशी प्रदेश प्रहरी प्रमुख प्रहरी नायव माहानिरीक्षक चन्द्र कुबेर खापुङको प्रमुख आतिथ्यतामा बार्षिक कार्य प्रगति विवरण सार्वजनिकीकरण भएको हो । 

कार्यक्रममा कोशी प्रदेश प्रहरी कार्यालयका प्रवक्ता प्रहरी वरिष्ठ उपरीक्षक भीम बहादुर दाहालले कोशी प्रदेश प्रहरी कार्यालयले १ बर्षको अवधिमा गरेका सफल अनुसन्धान, अपराध नियन्त्रण तथा अनुसन्धान, विपद व्यवस्थापन, ट्राफिक व्यवस्थापन, सामुदाय प्रहरी साझेदारी कार्यक्रम अन्तर्गत भएका सचेतनामुलक कार्यक्रम लगायत प्रहरीले गरेका नविनतम कार्यहरुको विवरण प्रस्तुत गर्नु भएको थियो । 

उक्त कार्यक्रममा उपस्थित संचारकर्मीहरुबाट उठेका जिज्ञासाहरुको प्रदेश प्रहरी प्रमुख खापुङले सम्वोधन गर्नु भएको थियो । उक्त कार्यक्रममा कोशी प्रदेश प्रहरी तालिम केन्द्रका समादेशक प्रहरी वरिष्ठ उपरीक्षक अवि नारायण काफ्ले, सिनियर प्रहरी अधिकृतहरु तथा बिभिन्न संचार माध्यममा आवद्ध संचारकर्मीहरुको उपस्थिति रहेको थियो ।

श्याम राई, उदयपुर  गाईघाट, ८ श्रावण | सामुदायिक बिद्यालयले बिभिन्न बहानामा बिद्यार्थीबाट चर्को शुल्क उठाउने गरेको गुनासो आईरहदा बेलका नगरपालिका–४ गुरुङचौरीस्थीत जनता नमुना माबिले भने बिज्ञान संकाय ११ र १२ मा अध्ययन गर्ने बिद्यार्थीहरुलाई पाठ्यपुस्तक सहित निःशुल्क पठ्नपाठ्न गराउदै आएको छ ।

२०७७ देखि ११÷१२ कक्षा संचालन हुँदै आएको बिद्यालयमा शिक्षा र कमर्श बिषयमा समेत पठ्नपाठ्न हुँदै आएको छ । गत बर्षदेखि बिज्ञान बिषयमा पठ्नपाठ्न शुरु गरिएको बिद्यालयका प्रअ समर राईले बताए ।

यो बर्षदेखि हामीले पठ्यपुस्तक सहित निःशुल्क पठनपाठ्न गर्ने ब्यबस्था गरेकाछौ । राईले भने । बिद्यार्थीबाट भर्ना शुल्क एक पटकको लागि २ हजार मात्र लिने गरेका छौ । उनले भने । अरु मासिक शुल्क र परीक्षा शुल्क लिदैनौ, पाठ्यपुस्तक निःशुल्क उपलब्ध गराएका छौ । प्रअ राईले भने ।

बिज्ञान बिषयलाई बढी महत्व दिनको लागि मात्र नभएर बिद्यार्थीहरुले आफनै ठाउँको शैक्षिक संस्थानमा पठनपाठन गर्न चासो देखाउन भनेर बिद्यालयले यस्तो ब्यबस्था गरेको राईले बताए ।

यो सेशनमा पनि धेरै बिद्यार्थी भर्ना हुने अपेक्षा गरिएको उनले बताए ।

 

 

 

विराटनगर । विराटनगर – ९ मकालु टिभी अगाडी जियोन युनिसेक्स सैलुन मेकअप स्टुडियो एण्ड नेल एकाडेमी संचालनमा आएको छ । विराटनगरमा सोमबार एक कार्यक्रम आयोजना गरी उक्त युनिसेक्स संचालनमा आएको हो ।

युनिसेक्सको उद्घाटन कोशी प्रदेशको सामाजिक विकास राज्य मन्त्री सृजना राईले रिविन काटेर गरिन् । उनले युनिसेक्सको उद्घाटन गरेपछि आफ्नो कपाल पनि मिलाइन् । युनिसेक्समा सेवा लिएपछि संचारकर्मीहरुलाई प्रतिक्रिया दिदै राज्यमन्त्री राईले समृद्धीको लागि महिलाहरु आत्मनिर्भर बन्नुपर्नेमा जोड दिइन् । उनले आत्मनिर्भर बन्नको लागि यस्तो युनिसेक्स सैलुनले ठूलो सहयोग पुग्ने उहाको भनाई छ ।

कार्यक्रममा कोशी प्रदेश खेलकुद विकास बोर्डका सदस्य सचिव कृष्ण बहादुर बस्नेत (पर्शुराम) ले राजनैतिकसँगै महिलाहरु आत्मनिर्भर बन्नको लागि व्यसायिक रुपमा खुलेको सैलनले ठूलो सहयोग पु¥याउने बताए ।

जियोन युनिसेक्स सैलुन मेकअप स्टुडियो एण्ड नेल एकाडेमीमा महिला पुरुष दुवै जनलाई सेवा दिन खुलिएको हो । त्यसबाहिक ब्यूटिसिनय सम्बन्धी सम्पूर्ण तालिम र नेल सिक्नेहरुको लागि पनि एकाडेमी खोलिएको ब्यूटिसियन तथा युनिसेक्स सैलुनका संचालक शान्ता जोशीले जानकारी दिइन् ।

ब्युटिपार्लरमा महिला सहभागिता र लगानी धेरै भए पनि सैलुनमा महिला सञ्चालक बढ्न सकेका छैनन् । यही सोचेर शान्ताले युनिसेक्स (महिला र पुरुष दुवैका लागि) सैलुन खोलेकी हुन् ।

‘धेरै पेसा अवलोकन गरेँ र सबभन्दा आत्मसन्तुष्टिको पेसा सैलुन नै लाग्यो । मलाई अरूलाई राम्रो बनाउन मनपर्छ । सैलुन भन्नासाथ अरूलाई खुसी बनाएर पैसा कमाउने पेसा हो भन्ने लाग्छ, उनले भनिन्।

युनिसेक्समा १५ लाख भन्दा बढीको लगानी छ । एकैपटक ठूलो लगानीमा सैलुन खोलेकी उनी व्यावसायिक रूपमा यो पेसा सुरक्षित छ भनेरै सुरू गरेको बताइन् । त्यसैले लगानीअनुसार प्रतिफल राम्रो हुनेमा विश्वस्त रहेको उनले बताइन् । युनिसेक्स सैलुन संचालन भएको अवसरमा साउन महिनाभरी ग्राहकहरुलाई ३० प्रतिसम्म छुट दिने गरेको उनले जानकारी दिइन् ।

उनी निर्धक्क साथ भन्छिन्, ‘काम त सबैले गर्छन् तर कसरी गर्ने भन्ने फरक कुरा हो । जियोन युनिसेक्सले फरक तरिकाले सेवा दिएको छ । चुनौती नभएको होइन, ठूलो लगानी छ, तर सामना गर्छु भनेरै हात हालेकी छु । पक्कै पनि सफल हुनेछु । ’

उनले सैलुनको साजसज्जा पनि आकर्षित तरिकाले गरेकी छिन् । विशेषगरी कपाल काट्ने, रंगरोगन, स्याहारदेखि फेसियल, मेकअप (साधारण र बेहुला–बेहुली), छाला तथा नङ स्याहार लगायतका सेवा युनिसेक्सले दिन्छ ।

जियोन युनिसेक्समा शान्ता बाहेक दुई जना कर्मचारी राखिकी छिन् । लामो समय काम गरेका अनुभवी कर्मचारी र अनुभवी ‘हेयर मास्टर’ बोलाएको उनले जानकारी दिइन् । शान्ताका अनुसार सैलुनमा प्रयोग हुने अधिकांश सामान उनले आधुनिक उपकरणबाट गुणस्तरीय सामानको प्रयोग गर्ने बताएकी छिन् ।

सानैदेखि आत्मनिर्भर बन्न रूचाउने शान्ताले ब्यूटिसियनको क्षेत्रमा लामो समयदेखि कार्यरत रहेकी छिन् । उनी सफल उद्यमीका रूपमा पहिचान बनाउन लागी परेकी छिन् । अरू महिलालाई पनि उद्यमी बन्न उनी सुझाब दिने गरेकी छिन् । ‘व्यवसाय के गर्ने भन्ने निधो गरेर थोरै लगानीबाट पनि राम्रो आम्दानी लिन सकिन्छ,’ शान्ता भन्छिन्, ‘जोसँग जस्तो सीप र क्षमता छ त्यहीअनुसार केही न केही गर्नुहोस् । जति मेहनत र लगाव लगाउनुहुन्छ, त्यति नै सफल भइन्छ ।’

विराटनगर  | जननायक वीपी कोइरालाको ४२ औं स्मृति दिवसका अवसरमा नेपाली कांग्रेस मोरङले खुल्ला कविता प्रतियोगिता आयोजना गरेको छ ।

मोरङ क्षेत्र नम्बर २ को व्यवस्थापनमा मोरङको डाइनियामा आइतबार भएको कविता प्रतियोगितामा खोटाङका कवि नवराज खड्का प्रथम भएका हुन् । ‘एक विचलित आत्मा’ शीर्षकको कविता वाचन गरेर खड्का प्रथम भए । त्यस्तै ‘स्वदेश भूमिभित्र नै’ शीर्षकको कविता वाचन गरेर मोरङको रंगेलीका कवि चिरञ्जीवि काफ्लेले द्वितीय पुरस्कार प्राप्त गरे । मोरङको कानेपोखरीका कवि सुशील राईले ‘तिमी र तिम्रो नेता’ शीर्षकको कविता प्रस्तुत गरेर प्रतियोगिताको तृतीय स्थान प्राप्न गर्न सफल भए । कवि एवं पत्रकार मीनकुमार नवोदित र साहित्यकार भरत गुरागाईं ‘बर्बरिक’ निर्णायक रहेको प्रतियोगितामा सन्तोष बाँस्तोला, पारस मण्डल, फडिन्द्र गड्तौला र सुरदेशकुमार दासले पुरस्कार प्राप्त गरेका थिए । 

बाँस्तोलाले ‘युगपुरुष तिम्रो सम्झना’, मण्डलले ‘वीपी कोइराला तिमी महान्’, गड्तौलाले ‘वीपीवादः लोकतान्त्रिक समाजवाद’ र दासले ‘वीपी कोइरालाको श्रद्धाञ्जली’ शीर्षकको कविता प्रस्तुत गरेका थिए । प्रथम, द्वितीय, तृतीय र सन्त्वना हुने कविहरूलाई क्रमशः ५ हजार १ सय, ३ हजार १ सय, २ हजार १ सय र १ हजार १ सय प्रदान गरिएको थियो । आयोजकले वीपी कोइरालाका विषयमा केन्द्रित भएर लेखिएका कविता प्रतियोगितामा समावेश गराएको थियो ।

कार्यक्रमका प्रमुख अतिथिसमेत रहेका नेपाली कांग्रेस मोरङका नेता गोपालमानसिंह राजभण्डारी, मोरङ कांग्रेसका कार्यबाहक सभापति भक्तिनाथ माझी, सचिव मोदराज घिमिरे, नेपाल प्रेस युनियन कोशी प्रदेशका अध्यक्षसमेत रहेका निर्णायक मीनकुमार नवोदित, युवा नेता सुयर्माराज राई, कार्यक्रम संयोजक वीरेन्द्रकुमार साहलगायतले पुरस्कार र प्रमाणपत्र प्रदान गरे । 

कार्यक्रममा प्रमुख अतिथि राजभण्डारीसहित कार्यबाहक सभापति भक्तिनाथ माझी, सचिव मोदराज घिमिरे, महासमिति सदस्य रविन राई, रामनारायण मण्डल, मोरङ क्षेत्र नम्बर २ का सभापति नागेश्वरप्रसाद सिंह, रतुवामाई नगरसभापति पोष्टबहादुर बस्नेत, मुस्लिम संघ मोरङकी सभापति कैहकसर कौसरलगायतले नेपालको प्रजातान्त्रिक आन्दोलनमा वीपी कोइरालाले पु¥याएको योगदानको चर्चा गरेका थिए । वीपीको आदर्श र सिद्धान्तलाई आत्मसाथ गरेर अगाडि बढे कांग्रेसलाई कसैले पनि हराउन नसक्ने उनीहरूको भनाइ थियो । सो अवसरमा कवि सुयर्माराज राई, रमेशचन्द्र अधिकारीलगायतले अप्रतियोगी सिर्जना वाचन गरेका थिए ।

पार्टीका गतिविधिलाई रचनात्मक बनाउने उद्देश्यले कविता प्रतियोगिता आयोजना गरेको मोरङ कांग्रेसका प्रचार विभाग प्रमुखसमेत रहेका कार्यक्रम संयोजक वीरेन्द्रकुमार साहले जानकारी दिए । वीपीको स्मृति दिवसअन्तर्गत स्वास्थ्य शिविर, कविता प्रतियोगिता, विचार गोष्ठीलगायतका कार्यक्रम राखिएको उनको भनाइ थियो । प्रतियोगितामा वाचन भएका कविहरूमध्ये उत्कृष्ट ७ जनालाई नगद र प्रमाणपत्रले पुरस्कृत गरिएको संयोजक साहले बताए ।

विराटनगर । महेन्द्र मोरङ आदर्श बहुमुखी क्याम्पसमा भएको निबन्ध लेखन प्रतियोगितामा ःबिबिएस प्रथम वर्षमा अध्यानरत छात्र बिजय कुमार चौधरी प्रथम भएका छन् ।

प्राज्ञिक विद्यार्थी परिषद् नेपाल क्याम्पस एकाइ समितिको आयोजनामा भएको निबन्ध लेखन प्रतियोगितामा बिबिएस तेस्रो वर्षमा अध्यानरत छात्रा अञ्जली साह द्वितीय र बिबिएस दोस्रो वर्षमा अध्यानरत छात्रा भुमिका घिमिरे तृतीय भइन् ।

‘नेपालको उच्च शिक्षा र विद्यार्थीको अपेक्षा’ विषयमा निबन्ध लेख्न लगाइएको थियो । कार्यक्रममा क्याम्पस एकाइ समिति संयोजक सरोज यादव, सगरमाथा प्रदेश सह–सचिव मुना बिष्ट, परिषद्का राष्ट्रिय सचिव तथा कोशी विभाग संगठन सचिव विवस कटुवाल लगायत विभिन्न संकायमा अध्ययनरत विद्यार्थीहरूको सहभागिता रहेको थियोे ।

बिराटनगर साउन ६ गते | कान्तिपुर कलेजले आयोजना गरेको अभिमुखिकरण कार्याक्रममा,बिष्णु दाहाल ले कलेजका बारेमा आफना कुरा राख्दै वहाले उपस्थित सबैलाइ स्वागत गर्नु भएको थियो |

प्रा डा तेजनाराण मण्डल सरले अभिभावकको निगरानी हुनुपर्छ र कान्तिपुरबाट गएका बिधार्थीको प्रगति देखेर आफु ज्यादै खुसी भएको बताउदै अव बिधार्थीले आफनो अध्यान लाइ ध्यान दिनुपर्छ भन्नु  भयो | 

प्रेम सुवाल मोरङ प्याप्सनका अध्यक्षले शिक्षाको मन्दिरमा गए पछि अबसर र चुनेोतिलाइ अध्ययन सगै लानु पर्छ ।डा जनक अधिकारी, सरले तपाइले पढेर के बन्नुहुन्छ त्यो तपाइमा भरपर्छ ।

प्रिन्सिपल तथा  सन्चालक भुवन नेपाल,सरले कान्तिपुर माबिमा दुइ सिप्टमा पढाइ सन्चालन भइरहेको जानकारी गराउनु भयो |  अहिले कान्तिपुर हरकुरामा अगाडी बढी रहेको बताउनु भयो | ३१ जना बिधर्थीलाइ सम्मान गरिएको थियो | सृजित घिमिरे बिधार्थीले पनि बोलका थिए |

९३० भर्ना भइसकेका छन | जीवन गडतेोला प्रदेस परिक्षा बोर्ड का तर्फबाट बोल्नु हुदै सबैलाइ धन्यवाद दिनुभयो | 

कार्याक्रका अध्यक्ष खुसिराज श्रेष्टको अध्यक्षतामा कार्यक्रम सम्पन्न भएको थियो |

श्याम राई, उदयपुर गाईघाट, ६ श्रावण | गाईघाटमा शनिबार साहित्यकर्मीहरुको कृतिहरु लोकार्पण गरिएको छ ।

उदयपुर साहित्यकला प्रतिष्ठानको दोश्रो सभा तथा बृहत साहित्य कार्यक्रममा उद्धब घिमिरेको महाकाब्य, बासुदेब पोखरेल र चन्द्रनारायण चौधरीको कबिता, महेन्द्र राईको लघुकथा, हर्कनारायण श्रेष्ठको निबन्ध र अनुभबको संङगालो स्रष्टा सङमको संयुक्तरुपमा लोकार्पण गरिएको   हो ।

कार्यक्रमको प्रमुख अथिति प्राज्ञ खेम नेपाली, बिशेष अथिति प्रिन्स प्रमोद ढकाल र त्रियुगा बहुमुखी क्याम्पस गाईघाटका क्याम्पस प्रमुख डा. कैलास कुमार राईले संयुक्त रुपमा लोकार्पण गरेका थिए ।

उक्त कार्यक्रममा जिल्लाका साहित्यकर्मीहरुले आ–आफ्नो कबिता बाचन गरेका थिए ।

 

 

 

 

विराटनगर | साहित्यकार उमानाथ भट्टाईको ‘अचल’ महाकाव्य विमोचन गरिएको छ ।

पूर्वाञ्चल साहित्य प्रतिष्ठानले शनिबार विराटनगरमा आयोजना गरेको कार्यक्रमका प्रमुख अतिथिसमेत रहेका प्रा. कविराज न्यौपाने, पूर्वाञ्चल साहित्य प्रतिष्ठानका उपाध्यक्ष भूषण ढुंगेल, विराट साहित्य संगमका अध्यक्ष मधु पोखरेल, संस्थापक अध्यक्ष बलराम पोखरेल, डा. नरेन्द्र चापागाईं स्मृति प्रतिष्ठानकी संरक्षक सरला चापागाईं, चारु प्रतिष्ठानकधा अध्यक्ष डा. देवी पन्थी, नेपाल मुक्तक प्रतिष्ठान कोशी प्रदेश अध्यक्ष बाबुराम पोखरेल, छन्द बाटिकाका अध्यक्ष हरि कट्टेल, नेपाली लेखक संघ कोशी प्रदेश समितिका महासचिव मीनकुमार नवोदित, झाराहाट नाट्य समूहका अध्यक्ष भरत गुरागाईं बर्बरिकलगायतले संयुक्त रुपमा महाकाव्यको विमोचन गरेका थिए । विमोचित महाकाव्यका बारेमा समालोचकसमेत रहेका कवि हरि कट्टेलले समीक्षा गरे । उनले महाकाव्यले समसामयिक विषयलाई उजागर गरेको बताए ।

खोटाङ सामाजिक सेवा मञ्चको भाषा, साहित्य कला उन्नय उपसमितिको संयोजनमा भएको कार्यक्रममा भवानीशंकर पोखरेल, अञ्जु अश्रु, जमुना पौडेल, गोपाल निर्भीक, लक्ष्मी घिमिरे रेग्मी, दिङ्लाली कान्छो, शारदा भट्टराई, चन्द्रक्रान्त भट्टराई, अच्यूतमणि पौडेल, भरत गुरागाईं बर्बरिक, अक्ष्ली पोखरेल, रीता पाठक, लक्ष्मी रायमाझी, प्रयाग न्यौपाने, नेत्र खतिवडालगायत तीन दर्जनभन्दा बढीले आ–आफ्ना सिर्जना प्रस्तुत गरेका थिए । आयोजक संस्थाका उपाध्यक्ष भूषण ढुंगेलको अध्यक्षतामा भएको कार्यक्रम कवि लक्ष्मी पोखरेलले सञ्चालन गरेकी थिइन् ।

सोही अवसरमा खोटाङ सामाजिक सेवा मञ्चका तर्फबाट महाकाव्यकार भट्टराईलाई सम्मानसमेत गरिएको थियो ।

विराटनगर | नेपाल कम्युनिष्ट पार्टीका संस्थापक महासचिव पुष्पलाल श्रेष्ठको ४६ औं स्मृति दिवसका अवसरमा विराटनगरमा खुल्ला कविता प्रतियोगिता सम्पन्न भएको छ ।

विराटनगरस्थित पुष्पलाल स्मारक समितिले आयोजना गरेको प्रतियोगितामा ‘आरोहण’ शीर्षकको कविता वाचन गरेर मोरङकी कवि लक्ष्मी रायमाझी प्रथम भइन् । त्यस्तै ‘यही हो त परिवर्तन’ शीर्षकको कविता वाचन गरेर नुवाकोटका कवि सुजन डोटेल द्वितीय हुँदा विराटनगरकी रीता पाठकले ‘समयको कथा’ शीर्षकको कविता वाचन गरेर तृतीय स्थान प्राप्त गरिन् । 

त्यस्तै ‘आमा’ शीर्षकको कविता वाचन गरेर सुनसरीका कवि युवराज दाहाल र ‘साहित्य र कवि’ शीर्षकको कविता वाचन गरेर विराटनगरकी लक्ष्मी घिमिरे रेग्मीले सान्त्वना पुरस्कार प्राप्त गरे । कवि तथा पत्रकार मीनकुमार नवोदित, साहित्यकार बाबुराम पोखरेल र हरि कट्टेल सम्मिलित निर्णायक समितिले पुरस्कृतहरूको नाम घोषणा गरेको थियो । प्रथम, द्वितीय, तृतीय र सान्त्वना हुने कविहरूले क्रमशः पाँच, तीन, दुई र एक–एक हजार नगद पुरस्कारका साथमा प्रमाणपत्र प्राप्त गरे ।

बालतर्फको प्रतियोगितामा ‘वीर सन्तान’ शीर्षकको कविता वाचन गरेर स्मारिका दंगाल प्रथम भइन् । त्यस्तै ‘पुष्पलाल र अहिलेको राजनीति’ शीर्षकको कविता वाचन गरेर आरसी पोखरेल द्वितीय हुँदा ‘फर्केर आऊ पुष्पलाल’ शीर्षकको कविता वाचन गरेर प्रकृति घिमिरे तृतीय भइन् । उनीहरूले क्रमशः दुई हजार, एक हजार र पाँच सय नगदसहित प्रमाणपत्र प्राप्त गरे । 

विजेता हुने सबैलाई यही साउन ७ गते विशेष समारोहका बीच पुरस्कार प्रदान गरिने कार्यक्रम संयोजक साहित्यकार भरत गुरागाईं ‘बर्बरिक’ले जानकारी दिए । पुष्पलाल स्मृति दिवसका अवसरमा कविता प्रतियोगिता, झण्डोत्तलन, विचारगोष्ठी, सरसफाई, पुरस्कार वितरण, सम्मानलगायतका तीनदिने कार्यक्रम राखिएको आयोजक समितिका अध्यक्ष केशवप्रसाद गौतमले बताए ।

बिराटनगर | २०८१ श्रावण ४ गते | शुक्रबार, मोरङ उद्योग व्यापार संघले आन्तरिक राजस्व कार्यालय, विराटनगरमा सरुवा भई आउनु भएका प्रमुख कर अधिकृत श्री भुपालराज शाक्यज्यूलाई संघमा स्वागत गरी भेटघाट तथा छलफल गरेको छ ।

संघका अध्यक्ष श्री अनुपम राठीज्यूले प्रमुख कर अधिकृत श्री भुपालराज शाक्यज्यूलाई कार्यक्रमको प्रमुख अतिथिका रुपमा संघमा स्वागत गर्नु भएको थियो । साथै, अध्यक्ष श्री राठीले कार्यक्रममा विशेष अतिथिका रुपमा पाल्नु भएका नेपाल चार्टर्ड एकाउन्टेन्टस् संघ, कोशी प्रदेशका अध्यक्ष श्री तिर्थ यादवज्यू र राजस्व कार्यालयका सुचना अधिकृत श्री हरि प्रसाद सेढाईज्यूलाई समेत स्वागत गर्नु भई आफ्नो स्वागत मन्तव्य मार्फत उद्योगी÷व्यवसायीहरुले कर प्रशासन अन्तरगत भोगिरहेका समस्याहरु बारे अवगत गराउनु भएको थियो ।

कार्यक्रममा उद्योगी÷व्यवसायीहरुका तर्फबाट घाटामा रहेका वासलात, ९–१० वर्ष पुरानो नन फाईलर फर्महरुका समस्या, भन्सार विन्दुमा लिइने अग्रीम आयकर, अनिवार्य अनलाईन विलिङ्ग, कर विजकमा अनिवार्य एच.एस.कोड लगायत सरकारका केहि पछिल्ला नीतिहरुबाट उद्योग÷व्यवसाय क्षेत्रमा परेका प्रभाव र अन्योलताहरु बारे छलफल गरिएको थियो ।

सो क्रममा प्रमुख कर अधिकृत श्री शाक्यज्यूले घाटा देखिने वासलात विभागले स्वीकार गर्ने गरेको जनाउनुका साथै कर वीजकको हकमा एच.एस.कोड अनिवार्य गरिएको स्पष्ट पार्नु भएको थियो । साथै, वहाँले उद्योगी÷व्यवसायीहरुले कर प्रशासन अन्तरगत भोगिरहेका अन्य समस्याहरु तथा कार्यक्रममा उठेका जिज्ञासा एवं सुझावहरु माथि पनि क्रमिक रुपले सुधार तथा सकारात्मक कदमहरु चालिँदै जाने आश्वासन दिनु भएको थियो ।

संघका महासचिव श्री संजय कुमार श्रेष्ठद्वारा संचालित सो कार्यक्रममा संघका कार्यसमिति सदस्यहरु, विभिन्न वस्तुगत संघ÷संस्थाका अध्यक्ष एवं प्रतिनिधिहरु, उद्योगी÷व्यवसायीहरु, संचारकर्मीहरु लगायतको उपस्थिति रहेको थियो ।

 

गणेश लम्साल । विराटनगर , ४ साउन | मोरडको बुढीगंगा गाउँपालिका ४ मा रहेको मनमोहन पोलिटेक्निक प्राविधिक शिक्षामा सधै अब्बल हुदै आएको छ ।

गुणस्तरिय पठनपाठन गराएर दक्ष जनशक्त्ति उत्पादन गर्न सफल भएपछि सरकारबाट चार पटक पुरस्कृत भैसकेको मनमोहन पोलि प्राविधिक शिक्षाका लागि देशकै अब्बल शिक्षालय बनिरहन सफल भएको हो ।

यो शिक्षालय २०७३ र २०७४ मा प्रदेश भरिको  र २०७५ र २०८० मा देशरिकै उत्कृष्ट शिक्षालयका रुपमा पुरस्कृत भैसकेको छ ।

औजार उपकरणले मात्र नभै भौतिक पुर्वाधारले सम्पन्न यो शिक्षालयमा प्रविधिक शिक्षाका लागि विद्यार्थीहरुलाई आवश्यक पर्ने सबै खाले आधुनिक प्रयोगशाला र  लाईब्रेरी छन ।  अनुभवी दक्ष शिक्षकहरु भएको यो शिक्षालयमा गुणस्तरिय पढाई हुनेभएकोले भर्ना हुन हरेक बर्ष विद्यार्थीको ओइरो लाग्ने गरेको छ । प्राचार्य सुदिप अधिकारीका अनुसार २६४ सिटमा भर्ना हुन हरेक बर्ष एक हजार जना भन्दा बढि बिद्यार्थीले आवेदन दिने गरेका छन ।

२०६५ मा स्थापना भएको मनमोहन पोलिटेक्निकले अहिले सम्म २५ सय जना दक्ष प्राविधिक जनशक्त्ति उत्पादन गरिसकेको छ । उत्पादन भएका जनशक्त्ति व्यवहारिक रुपमा दक्ष भएकोले प्राय सबैले राष्ट्रिय मात्र नभएर अन्तराष्ट्रिय बजारमापनि पाइसकेका छन । कोही थप उच्च प्राविधिक शिक्षा पढेर विज्ञ बनिसकेका छन  ।  मनमोहन पोलिमा दिक्षित भएकाहरुले मात्र नभएर नभएकाहरुले पनि रोजगार पाउने गरेका छन । दिक्षित नभएकाहरु ीदगो हुने भएकोले उनीहरुलाई रोजगार दिन उद्योगहरुले प्राथमिकता दिने गरेका छन ।

देशकै पहिलो मनमोहन प््राविधिक विश्वविद्यालयको आंगिक क्याम्पसका रुपमा सञ्चालन भैरहेको मनमोहन पोलिटेक्निकमा बिद्यार्थीहरु आफै कमाएरु पढने ‘अर्न टु लर्न ’   कार्यक्रम पनि छ । यसबाहेक यो शिक्षालयले दलित , सिमान्तकृत र जेहेन्दार विद्यार्थीहरुलाई छात्रबृत्ति पनि दिदै आएको छ ।

 भारत सकारसँग २०६२ मा सम्झौता भई २०६५ देखी प्राबधिक बिषयमा पठनपाठन सुरु गरेको यो शिक्षालयमा २०६८ देखी र्इृलेक्ट्रिक्स मेकानिक ,सिभिल र ईलेक्ट्रिक एण्ड ईलेक्ट्रिोनिक्स , आर्किटेक्चर ,ईन्फमेसन टेक्निोलोजी , अटोमावाईल्स आदि ७ वटा विषयमा डिप्लोमा तहमा पढाइ हुदैआएको छ । यहाँ दुई बर्षे डिप्लोमा तहको औधोगिक मेकानिकल कोर्ष पनि पढाई हुन्छ । यसबाहेक यो शिक्षालयमा स्थानिय र स्विस सरकारको सहयोगमा विल्डिड , मोटरसाइकल , लाईट भेहिकल ,कमप्युटर हार्डबेयर र नेटवर्किड, एसी  मर्रम्मत , टाईल मार्वल फिटिड, विल्डर , पेन्टिङ आदि १२ बिषयको मेकानिक तालिम पनि सञ्चालन हुदैआएको छ ।  

अति न्युन खर्चमा बिद्यार्थीहरुलाई कोर्ष गराईरहेको मनमोहनले हरेक बर्ष ४ जनालाई निशुल्क २० जनालाई सहुलियतमा र ३० जनालाई आफै कमाएर पढने गरि निशुल्क पढाउदै आएको छ । चार जना बिद्यार्थी पुर्व अध्यक्ष भरतमोहनका छोरी र श्रीमतीले प्रदान गर्ने छात्रबृत्तीमा पढने गरेका छन । ३० जनाले शिक्षालयकै १० बिगाहा जमिनमा खेती गरेको आम्दानीबाट पढदै आएका छन । हरेक संकायमा ४२ जना बिद्यार्थी हरेक बर्ष भर्ना गर्दै आएको मनमोहनमा हरेक बर्ष १ सय ९२ जना बिद्यार्थीले ईन्जिनियरिङं बिषय पढने गर्ने गरेका छन । यसबाहेक हरेक बर्ष ५ सय बिद्यार्थीहरुले एक हप्तादेखी एक बर्षे छोटो अवधिको बिभिन्न  निशुल्क तालिमहरु पनि लिँदै आएका छन ।  

तीन पटक सरकारबाट उत्कृष्ट प्राविधिक शिक्षालय भनेर पुरस्कृत भैसकेको मनमोहन पोलिटेक्निकले सैद्धान्तिक भन्दा  बढी व्यावहारिक शिक्षामा जोड दिनेगरेको छ । यहाँबाट दिक्षित हुने बिद्यार्थीहरु प्राविधिक अनुसन्धानमा पनि दक्ष हुनेगरेका छन । 

पढिसकेपछि देशभरि जहाँपनि तुरुन्तै रोजगारी पाउन सकिने भएकोले मनमोहन पोलिटेक्निकमा पढन विद्यार्थीहरु सधै आर्कषित हुनेगरेका छन । प्राचार्य अधिकारी आफनो शिक्षायप्रति गर्वगर्दै भन्छन , ‘ भौतिक पुर्वाधारले माात्र नभएर पाठयक्रमले पनि अरु भन्दा सक्षम र सम्पन्न छौ यसैले हामी अरु शिक्षालय भन्दा अब्बल र अहिले सम्म देशकै उत्कृष्ट शिक्षालय बनिरहन सफल भएका हौ ।’

 

 

 

काठमाडौँ । डोल्पाको शे फोक्सुण्डो गाउँपालिका ३ स्थित शेल सुम्दो गुम्बामा अयोजना गरिने ६७ औं १२ वर्षे शेल रिवो डुग्ड्रा ९शे०  मेलाको तयारी अन्तिम चरणमा पुगेको छ । मेलाका बारेमा जानकारी दिन विहीबार काठमाडौंमा आयोजित पत्रकार सम्मेलनमा शे फोक्सुण्डो गाउँपालिकाका अध्यक्ष धावा सम्डुक गुरुङले यसबारे जानकारी दिएका हुन ।

भदौ १६ गते देखि २१ गतेसम्म ६ दिन शेल सुम्दो गुम्बामा आयोजना गरिने उक्त मेलामा धार्मिक प्रवचन देखि सांस्कृतिक कार्यक्रम, घोडा दौड लगायतका उपल्लो डोल्पाको जनजीवन झल्कने विभिन्न गतिविधि सञ्चालन हुने आयोजकले बताएका छन् । मेलाको अवसरमा तिलगङ्गा आखाँ प्रतिष्ठानसँग सहकार्यमा निशुल्क आँखा उपचार तथा शल्यक्रिया देखि स्वास्थ्योपचार लगायतका शिविर समेत राखिने अध्यक्ष गुरुङले बताए ।

पत्रकार सम्मेलनमा बोल्दै अध्यक्ष गुरुङले विकास र सहजताका हिसाबले डोल्पा पछाडि रहेपनि पर्यटनको सम्भावनाका आधारमा नेपालकै महत्वपूर्ण गन्तव्य भएको बताए । उनले भने, साहसिक पर्यटनको लागि डोल्पा हिडनल्याण्ड हो । अध्यक्ष गुरुङले शेल रिवो डुग्ड्रा मेलाले डोल्पाको बहुसांस्कृतिक पक्षलाई थप उजागर गर्ने विश्वास लिएको बताउँदै भने, बहुसांस्कृतिक, बहुधार्मिक, बहुभाषिक रुपमा विविधता भएकोले डोल्पामा जाने पर्यटकहरूले विविधअनुभुति हासिलगर्न सक्छन् ।

खस तथा मस्टो संस्कृति, तरालि संस्कृति, डोल्पो संस्कृति, बोन तथा बुद्ध धर्म, खस भाषा, काइके भाषा, तिछुरोङ पोइके, डोल्पो भाषा लगायत त्रिपुरासुन्दरी मन्दिर, व्यास तपोभूमि आदीबाट अलौकिक अनुभुति लिन सकिने आयोजकले बताएका छन् ।  ऐतिहासिक शेल रिवो डुग्ड्रा शे मेलाको अवसरमा करिव १५ हजारभन्दा बढि मानिसहरको उपस्थिति हुने अपेक्षा आयोजकले गरेका छन् । मेलाको लागि आवश्यक पर्ने खानेपानी, अस्थायी आवास, शौचालय तथा अन्य संरचनाहरूको तयारी अन्तिम चरणमा पुगेको बताइएको छ ।  

 ६७ औं १२ वर्षे शेल रीवो डुग्डू ९शे० मेला २०८ १ मुल आयोजक समिति र शे फोक्सुण्डो गाउँपालिका, डोल्पो बुद्ध गाउँपालिका तथा छार्काताङसोङ गाउँपालिकाले सह आयोजकका रुपमा यो मेलाको आयोजना गर्न लागेका हुन  । प्रचार प्रसार समितिका संयोजक तथा शे फोक्सुण्डो गाउँपालिकाका उपाध्यक्ष पेम्मा वाङछेन गुरुङले ऐतिहासिक यो मेलालाई सफल बनाउन र यसको प्रचार प्रसार गर्न पत्रकार सम्मेलनको आयोजना गरिएको बताउँदै यसले डोल्पाको मात्रै नभएर सिङ्गो नेपालको पर्यटन प्रवर्द्धनमा महत्वपूर्ण योगदान मिल्ने बताए । उनले भने, यो केवल मेला मात्रै नभई विश्व सामु हाम्रो भूगोल, सांस्कृतिक, कला, ऐतिहासिक मुल्या मान्याताका महत्वपूर्ण धार्मिक तथा प्राकृतिक सुन्दरतालाई भरपुर प्रयोगमा ल्याई डोल्पाको भविष्यसँग जोडिएको एउटा महत्वपूर्ण क्षण पनि हो।त्यसैले यसलाई सफल बनाउन सबैको साथ र सहकार्यको खाँचो छ ।

 कार्यक्रममा प्रमुख अतिथि सङ्घीय सांसदकी उप सभामुख इन्दिरा गुरुङले डोल्पा प्राकृतिक रुपमा निकै सुन्दर रहेको बताउँदै यस्ता धार्मिक मेला र पर्वले त्यहाँको धर्म, संस्कृति र जनजीवनका बारेमा बुझ्न थप सहज हुने बताइन ।

 कार्यक्रममा नेपाल पर्यटन बोर्डका वरिष्ठ निर्देशक हिम्मत सिंह ऐरले पर्यटन विकासका हिसावले निकै महत्वपूर्ण मानिएको डोल्पामा हुन गइरहेको यो मेला धार्मिक महत्वका हिसावले मात्रै नभएर सास्कृतिक हिसावले पनि उत्तिकै महत्वपूर्ण रहेको बताए । उनले भने, यस्ता मेलाको प्रचार प्रसार गर्न सके यसले पर्यटन विकासमा कोशेढुंगाको काम गर्न सक्छ ।

विराटनगर | सामुदायिक विद्यालयको गुणस्तर वृद्धिका लागि विराटनगर महानगरपालिकाले टोली नै गठन गरेर अनुगमनलाई तीव्रता दिएको छ ।

मेयर नागेश कोइराला अध्यक्ष रहेको शिक्षा समितिबाट गठित अनुगमन समितिले विराटनगर महानगर क्षेत्रभित्र सञ्चालित विभिन्न सामुदायिक विद्यालयहरूको अनुगमन गरेको हो । टोलीले बुधबारदेखि अनुगमन सुरु गरेको छ । बुधबार र बिहीबार दुई दिनमा टोलीले विराट महेन्द्र रात्रि मावि, जनता नमुना मावि, सत्यनारायण आधारभूत विद्यालय, विराट आधारभूत विद्यालय, दिघी आधारभूत विद्यालय र जनता आधारभूत विद्यालय खोक्साहा गरी ६ वटा विद्यालयको अनुगमन गरेको थियो ।

समितिले टोलीलाई समग्र सामुदायिक विद्यालयको भौतिक अवस्था तथा शैक्षिक गुणस्तरका बारेमा अध्ययन विश्लेषण गर्ने, विद्यालय सुधारका उपाय पहिल्याउने, सिकाई उपलब्धि बढाउनका लागि आवश्यकताका आधारमा विज्ञसमेत परिचालन गर्नेलगायतका कार्यदेश दिइएको छ । अनुगमनका क्रममा टोलीले सञ्चालन भइरहेको प्रथम त्रैमासिक परीक्षाको समेत अनुगमन गरेको थियो ।

यस क्रममा टोलीले भर्ना भएका विद्यार्थी संख्या र परीक्षा दिने विद्यार्थी संख्याको विश्लेषण, पठनसीप क्षमताको परीक्षण पनि गरेको थियो । विद्यालय सञ्चालन व्यवस्थापनमा देखिएका समस्याका विषयमा विद्यालयका प्रधानाध्यापक, शिक्षक, व्यवस्थापन समिति र विद्यार्थीसित छलफलसमेत गरेको अनुगमन समितिका सदस्यसचिव कृष्ण भट्टराईले जानकारी दिनुभयो । 

शिक्षा समितिका सदस्य रमानाथ भट्टराईको संयोजकत्वको टोलीमा शिक्षा समितिका सदस्य त्रिलोक न्यौपाने, सावित्री पराजुली, सन्तोष पोखरेल र सदस्यसचिव कृष्ण भट्टराई रहनुभएको छ । अनुगमनलाई निरन्तर जारी राख्ने टोलीका संयोजक रमानाथ भट्टराईले बताउनुभयो । आफूहरू निर्वाचित भएर आएदेखि नै शिक्षाको गुणस्तर वृद्धिमा विशेष ध्यान दिएर योजनाबद्ध रुपमा कार्य गरिरहेको मेयर नागेश कोइराला बताउनुहुन्छ ।

 शिक्षाको गुणस्तर वृद्धि बिनाअन्य क्षेत्रको विकास नहुनेउहाँको भनाइ छ । गुणस्तर वृद्धि गर्ने उद्देश्यले महानगरले सबै प्रअहरूसित कार्यसम्पादन करार सम्झौतासमेत गरेको थियो । अनुगमनका क्रममा पठनपाठनमा लापरबाही गरेको भेटिएमा कारबाही गर्नेसम्मको अधिकार अनुगमन टोलीलाई दिएको मेयर कोइरालाले प्रस्ट पार्नुभयो ।

श्याम राई, उदयपुर  गाईघाट, २ श्रावण | नेकपा एकीकृत समाजबादी उदयपुरले पहिरो पिडित खाँबु तोरीबारीका बिस्तापित २१ घर परिवारलाई मंगलबार राहतसामाग्री बितरणगरेको छ ।

पार्टीको कोशी प्रदेशका अध्यक्ष बलदेब चौधरीले बिस्तापित परिवारलाई आश्रय लिएको बिद्यालय पुगेर एक कार्यक्रमको आयोजनागरि राहत सामाग्री बितरण गरेको हो । पहिरो पिडित परिवारलाई अझै पूनर्बासको ब्यबस्था गरिएको छैन । उनीहरुलाई खाँबुस्थीत एक बिद्यालयमा राखिएको छ । चौधरीले ग्यास, खाद्ययान लगायतको सामाग्रीहरु पिडितहरुलाई उपलब्ध गराएको केन्द्रिय सदस्य राममणि पोखरेलले बताए ।

गत असार २५ गते बिहान ७ बजे माथिबाट झरेको पहिरोको कारण उनीहरु पूर्णरुपमा बिस्तापित बनेका छन् । पहिरोमा घर पुरीदा ८ बर्षिया बालिकाको घट्नास्थलमै मृत्यु भएको थियो । बालिकाको आमा घाईते भएकी थिईन् । गाउँको चारै तर्फ पहिरो गएकोले बस्तिबाट गाउँलेहरुलाई अन्यत्र सारिएको छ ।

 

 

 

श्याम राई, उदयपुर गाईघाट, २ श्रावण | सबैको सामुहिक प्रयास भए कसैको मुख नताकी आफ्नो काम आफै मिलेर गर्न सकिने उदाहरण जोगिदहबासीले देखाईदिएका छन् ।

केही दिन आगाडिको अबिरल बर्षाको कारण स्थानीय कंग खोलामा आएको बाढीले नदी कटान गर्दै गाँउ तर्फ पस्न थालेपछि स्थानीयको प्रयासमा नदी नियन्त्रणको काम केही दिन देखि धमाधम भैरहेको छ । नदीको तटबन्ध निर्माणमा गाउँलेहरु दिनहु जुटिरहेको त्रियुगा नगरपालिका–१ का वडा अध्यक्ष मनोज चौधरीले बताए ।

 भत्किएको बाध बाधन गाउँघरमा सबै जुटेर काम निर्माणको काम भैरहेको उनले बताए । गाउँले आफै मात्र खटेको नभएर तटबन्ध निर्माणमा प्रयोग गरिएको बास समेत आफ्नै घरबाट ल्याएर सहयोग गरिरहेको अध्यक्ष चौधरीले बताए । यस पटक बाढीले ठूलो क्षति गरेर मैले सार्वजनिक रुपमै गाउँलेहरुसँग तटबन्ध निर्माणको लागि सहयोग मागेको थिए । चौधरीले भने ।

कंग खोलाले गाँउमा धेरै जमिन कटान गरेर ठूलो क्षति गरेको उनले बताए । विजुलीको पोल भत्तकाउनुको साथै सडक बाटो समेत कटान गरेको उनले बताए । वडासँग सबै बजेट सकिएको अबस्थामा गाउँलेहरुको साथ पाएर तटबन्धको काम गर्न पाएकोमा आफू निकै खुसी भएको र हाम्रो वडाको सहभागिताले समाजमा राम्रो उदाहरण दिन सकेको उनले बताए ।

 

 

 

बिराटनगर २०८१ साउन २ गते  | उद्योग संगठन मोरङ, महिला उद्यम समितिको आयोजनामा महिलाहरुका लागि फिनाईल वनाउने तथा सरसफाई सम्वन्धी २ दिने तालिम कार्यक्रम सम्पन्न भएको छ ।

तालिमको समापनमा महिला उद्यम समितिको सह–संयोजक जयश्री जाजुले महिला उद्यमशिलता विकासका माध्यमबाट स्वरोजगारलाई प्रर्वद्धन गर्न फिनाईन वनाउने तालिम आयोजना गरिएको वताईन । गृहणी महिलाहरुमा उद्यमशिलताको भावना जागृत गरी स–सानो रुपमा भएपनि व्यवसाय संचालन गर्न सहयोग पुगोस भनि संचालन गरिएको तालिमले महिलाहरुलाई आयआर्जनमा सहयोग पुग्ने विश्वास व्यक्त गरिन ।

संगठनका अध्यक्ष्ँ राकेश सुरानाले महिलाहरुलाई उद्यमशिलताम लाग्न अभिप्रेरित गर्न तालिमले सहयोग पुग्ने विश्वास व्यक्त गर्दै तालिममा सिकेका कुरालाई उद्यमशिलतामा रुपान्तरण गर्न आग्रह गरे ।

तालिमको प्रशिक्षक एवं महिला उद्यमी सोमी चौलागाईले घरको कामकाजमा व्यस्त महिलाहरुले पनि सहजै रुपमा फिनाईल वनाई बजारमा विक्रि वितरण गर्न सक्ने वताईन । उनले तालिम अवधिमा फिनाईलका प्रकार, वनाउदा अपनाउनु पर्ने सर्तकता, समिश्रण गर्दा ध्यान दिनुपर्ने कुरा, प्याकेजिङ र विक्रि प्रवद्र्धनका लागि अपनाउनु पर्ने विधिका साथै सरसफाईको महत्वका वारेमा सहभागिलाई सिकाएको थिईन ।

 ३४ जना महिलाहरु सहभागि रहेको तालिमको समापन कार्यक्रममा संगठनका वरिष्ठ उपाध्यक्ष्ँ नन्दकिशोर राठी, विन मोरङको अध्यक्ष कृति उपाध्याय, घरेलु तथा साना उद्योग महासंघ मोरङकी महिला समितिको पूर्व सभापति सुनिता छाराहाङ, उद्योग संगठन मोरङ महिला उद्यम समितिका सदस्यहरुको सहभागिता रहेको थियो ।

 

गाईघाट, २ श्रावण | घाटिमा मासु अड्किएर जिल्ला अस्पतालमा ल्याईएको एक बिरामीको सफल उपचार भएको छ ।

राती ८ः३० बजे एकदमै गम्भिर अबस्थामा उपचारको लागि ल्याईएको त्रियुगा नगरपालिका–१० बोक्सेका ३८ बर्षिय कपुर सेवाको चिकित्सकहरुले ज्यान बचाउन सफल भएकाछन् ।

उपचारमा सङलग्न चिकित्सक डा. निर्मला चौधरीले गम्भिर अबस्थामा रहेको बिरामीको तत्काल उपचार गरेर बचाउन सफल भएको बताईन् । अस्पतालमा बिरामी आईपुग्दा बिरामीको अक्सिजन लेबल २० प्रतिशत भन्दा कम थियो । तत्कालै घाटीबाट मासु निकालि हाल्नु पर्ने अबस्थामा थियो । उनले भनीन् । 

बिरामीको हावा जाने पाईप समेत ब्लक भैसकेको अबस्थामा तत्काल सिनियर चिकित्सकको टिम तयार गरेर एम्बु मार्फत अर्थात बाहिरबाट पाईपको माध्यबाट भित्र अक्सिजन पठाएर बिरामीको घाटीबाट मासुको डल्ला निकाल्न सफल भएको चौधरीले बताईन् । उनले केही समय मात्र ढिला भएको भए सायदै बिरामीलाई बचाउन सकिदैनौ थियौ होला उनले भनिन् । 

अक्सिजन लेबलमा कमी, अड्किएको मासुको डल्ला एकै सर्टमा निकाल्नु पर्ने अबस्था निकै कठिन काम थियो । तर पनि हामी सबै जुटेर असम्भबलाई सम्भब बनाउन सफल भएको उनले बताईन् ।

जिल्लामा कठिन अबस्थामा बिरामीको घाटीबाट मासुको डल्ला निकालिएको यो नै पहिलो हो । बिरामीलाई थप उपचारको लागि राती नै बिराटनगरस्थीत नोबेल अस्पतालमा पठाईएको उनले बताईन् । अहिले बिरामीको अबस्था सामान्य रहेको जिल्ला अस्पताल उदयपुरले जनाएको छ । ससुरालीमा भोज खाने क्रममा सेवाको घाटीमा मासु अड्किएको पारीवारीक श्रोतले जनाएको छ ।

 

श्याम राई, उदयपुर गाईघाट, १ श्रावण | जिल्ला प्रहरी कार्यालय उदयपुरबाट खटिएको प्रहरी टोलीले मंगलबार बिहान कटारी नगरपालिका–७ रिस्कुस्थीत खुलालडाँडाबाट तिन वटा बोरामा प्याक गरेर ल्याउँदै गरेको अबस्थामा ४९ केजी गाजा सहित ताप्लि गाँउपालिका–१ का बर्ष ३१ का शम्भु राई, बर्ष २८ का आशिष भुजेल र १५ बर्ष उमेर मुनि भएकोले (नाम परिबर्तित) गाईघाट ४६ लाई पक्राऊ गरिएको प्रहरीले जनाएको छ ।

बिशेष सुचनाको आधारमा जिल्लाबाट गएको प्रहरी टोलिले उनीहरुलाई पक्राऊ गरिएको एसपी रमेह थापाले बताए ।

पक्राऊ परेका उनीहरुलाई जिल्ला अदालतबाट म्याद थप गरि अनुसन्धान शुरु गरिएको उनले बताए ।

 

 

विराटनगर | विराटनगर महानगरपालिकाले खरिद गरेको मोटरबोटको केसलिया नदीमा परीक्षण गरिएको छ ।

बाढी र डुबानका समयमा उद्धारका लागि महानगरले ९ लाख ७५ हजारमा खरिद गरेको मोटरबोटको मंगलबार परीक्षण गरिएको हो । मेयर नागेश कोइराला, उपमेयर शिल्पा निराला कार्की र प्रमुख प्रशासकीय अधिकृत राजेन्द्र पराजुलीलाई मोटरबोटमा राखेर नगर प्रहरीले परीक्षण गरेको थियो । वर्षाको समयमा बाढी र डुबानमा फसेका नागरिकलाई उद्धारमा सहज हुने मेयर नागेश कोइरालाले बताउनुभयो । उहाँका अनुसार इन्जिन जडान नगरिकन पनि बोटलाई सञ्चालनमा ल्याउन सकिन्छ ।

विराटनगरको पूर्वमा सिघिया र पश्चिममा केसलिया नदी भएका कारण स्थानीयले हरेक वर्ष बाढी र डुबानको समस्या झेल्दै आएका छन् । महानगरसित यसअघि रबरबोट मात्रै रहेको थियो । मोटरबोट खरिद गरिएसँगै बाढी र डुबानमा फसेका महानगरवासीलाई तत्कालै उद्धार गर्न सजिलो भएको मेयर कोइराला भनाइ थियो । यसअघि बाढीमा फसेका नागरिकलाई उद्धारका लागि सशस्त्र प्रहरीसहित अन्य सुरक्षा निकायबाट मोटरबोट मगाउनुपर्ने बाध्यता थियो ।

परीक्षणपछि उपमेयर शिल्पा निराला कार्कीले बाढीको विपदमा परेका नागरिकलाई तत्कालै उद्धार गर्न सहज होस् भनेर मोटरबोट खरिद गरिएको बताउनुभयो । उहाँले महानगरले आवश्यक महसुस गरेर खरिद गरेको उहाँको भनाइ थियो । 

प्रमुख प्रशासकीय अधिकृत राजेन्द्र पराजुलीले काठमाडौंबाट खरिद गरेर ल्याइएको मोटरबोटको परीक्षण सफल भएको प्रतिक्रिया दिनुभयो । नगर प्रहरी निरीक्षक राजन पौडेलका अनुसार खरिद गरेको कम्पनीले नगर प्रहरीलाई सञ्चालनको सम्पूर्ण जानकारी दिनेछ । 

त्यसपछि नगर प्रहरीले मोटरबोट आफैं जडान गर्ने र सञ्चालन गर्ने पौडेलले जानकारी दिनुभयो । नगर प्रहरीका ४ जनाले बाढी र डुबानमा परेका नागरिकको मोटरबोटबाट उद्धार गर्न विशेष तालिमसमेत लिइसकेका छन् ।

 

श्याम राई, उदयपुर गाईघाट, १ श्रावण | खोटाङंमा मंगलबार दिउँसो ट्याक्टर दुर्घटना हुँदा एक युवकको मृत्यु भएको छ ।

साकेला गाउँपालिका–१ बाझे च्यानडाँडास्थीत मध्य पहाडी लोकमार्गमा दिउँसो १२ः१५ बजे सडकदेखि झण्डै ४० मिटर तल खोल्सोमा ट्याक्टर झर्दा बाझे च्यानडाँडाका २१ बर्षिय जिबन राईको घट्नास्थलमै मृत्यु भएको प्रहरीले जनाएको छ ।

भोजपुरबाट दिक्तेलतर्फ जादै गरेको प्रदेश २–०१–००१ त २०१५ नम्बरको खाली ट्याक्टर अनियन्त्रित भै दुर्घट्ना भएको खोटाङंका प्रहरी नायब उपरीक्षक पुरुषोत्तम खड्काले बताए । मृतक राई सोही ट्याक्टरमा चढेर आएको उनले बताए । दुर्घट्नामा परि सह–चालक घाईते भएकोमा उनको जिल्ला अस्पताल दिक्तेलमा उपचार भैरहेको प्रहरीले जनाएको छ ।

गाडीका चालक दुर्घट्नापछि फरार भएकोले प्रहरीले खोजी कार्य जारी राखेको छ । घट्नाको अनुसन्धान भैरहेको खड्काले बताए ।

 

 

 

 

श्याम राई, उदयपुर  गाईघाट, १ श्रावण | त्रियुगा नगरपालिका–४ बगाहस्थीत अरुणा पुष्प बाटिकामा भोलि बुधबार बिहान बृहत् रुपमा तुलसी रोपन कार्यक्रमको आयोजना हुदैछ ।

हरिशयनी एकादशीको अबसर पारेर उक्त कार्य गर्न लागिएको बाटिकाका अध्यक्ष सन्तोष काईरालाले बताए ।

बाटिका परिसरमा ९० जना दाताहरुले निर्माण गरिदिएको ९० वटा तुलसीमोठमा तुलसी रोप्नको लागि दाताहरुलाई निम्तो गरिएको अध्यक्ष कोईरालाले बताए । 

कार्यक्रममा सबै वडा बासिहरुलाई समेत उपस्थितिको लागि अनुरोध गरिएको छ । दाताहरुले तुलसीको बिरुवा आफैले ल्याएर रोप्न भनिएको कोईरालाले बताए । उनले यो कार्यक्र जिल्लामै पहिलो रहेको बताए ।

 

बिराटनगर ३० असार | विराटनगर महानगरपालिकाका प्रमुख नागेश कोइरालाले नेपालको वहुभाषिक निति  अनुरुप रेडियो नेपाल तारिणि प्रसाद कोइराला स्मृति संचारग्रामले महानगर एफएम विराटनगरवाट राजवंशी भाषा  समाचार प्रसारण हुनुले भाषा सस्कृतिको विकासमा थप वल पुगेको वताउनु भएको छ ।  

महानगर  एफएम रेडियो विराटनगरवाट  आजदेखी  शुरु भएको राजवंशी भाषा समाचार  प्रसारण शुभारम्भ कार्यक्रमलाई संवोधन गर्नुहुदै उहाले संविधानमा उल्लेख भए अनुसार  वहु सास्कृतिक वहु धार्मिक नितिलाई समावेशीकरण गर्दै राजवंशी भाषा  समाचार प्रसारण शुभारम्भ गरेकोमा रेडियो नेपाललाइ धन्यवाद दिनुभयो ।

स्थानिय भाषा,  सस्कृति  कला, साहित्य गित संगितको  संरक्षण एंव सम्वर्धनगर्ने उदेश्य अनुरुप स्थापना भएको संचारग्रामले अन्य सेवा अतिरिक्त राजवंशी  भाषा समाचार प्रसारणगर्नु खुशिको कुरा भएको उल्लेख गर्नुहुदै उहाले यस्ता खालका भाषा तथा कार्यक्रमलाई आगामी दिनमा अझ विकास एंव विस्तारगर्दै जानुपर्ने वताउनुभयो ।

कार्यक्रमका  प्रमुख  अतिथि समेत रहनु भएका महानगर प्रमुख  कोइरालाले तारिणी प्रसाद कोइरालाको जिवनीमा आधारित  वृतचित्र प्रदर्शनी देखि  स्थानिय भाषको गित  संगित  रेकर्डिङ गर्दै आएकोमा यस्ता कुरालाई जनसमुदाय  समक्ष पु¥याउदै स्थानिय स्तरमा रोजगारी मुलुक  कार्यक्रम  संचालनगर्न संचारग्रामलाई महानगरले  सघाउ पु¥याउने प्रतिवद्धता व्यक्त गर्नुभयो । 

 कार्यक्रमलाई संवोधन गर्नुहुदै रेडियो नेपालका कार्यकारी निर्देशक एंव संचारग्राम संचालक समितिका अध्यक्ष वुद्धिवहादुर केसीले आगामी  आर्थिकवर्षमा संचारग्राममा तारिणी प्रसाद कोइरालाको  शालिक स्थापना गर्ने  र संचारग्राम मार्फत मोवायल एप तथा वेभसाइट संचालनमा ल्याउने जानकारी गराउनुभयो ।

उहाले हाल सम्म नेपाल सरकारले  संचारग्राम संचालनका लागि गरेको  सहयोगको सरहना गर्नुहुदै संचारग्रामवाट इ–लाइवे्ररी ,रेडियो म्युजियम  संचालन  साथै गित  संगित प्रशिक्षण तथा संचारकर्मीको क्षमता अभिवृद्धिगर्न र विभिन्न भाषाको गित संगित रेकर्डिङ प्रारम्भ भइसकेको जानकारी  गराउनुभयो । आगामी दिनमा महानगरपालिकाको सहयोगमा उदेश्य अनुरुप  संचारग्रामले थप क्रियाकलाप गर्दै जाने उहाको भनाई थियो ।

मोरङका  प्रमुख जिल्ला अधिकारी प्रेमप्रसाद भट्राइले ,  संचारग्राम  वाट राजवंशी भाषाको समाचार प्रसारण हुनु सवैका लागि खुशिको कुरा भएको उल्लेख गर्नुहुदै संचारकर्मीले लुकेका प्रतिभालाई उजागरगर्दै समाचार सम्प्रेषण गर्दै जानुपर्नेमा जोड  दिनुभयो ।  

तारिणी प्रसाद कोइराला स्मृति संचारग्रामका निर्देशक पुष्करराज  गौतमले संचारग्रामले प्रदानगर्ने सेवा सुविधाको वारेमा जानकारी गराउदै संचारग्रामलाई  दिर्घकालिन रुपमा  अघि वढाउन थप सेवा विस्तारगर्न लागेको वताउनुभयो ।  

कार्यक्रममा तारिणी प्रसाद कोइराला परिवारका  सदस्य इन्दिरा कोइरालाले तारिणी प्रसाद कोइरालाले  रेडियो प्रसारणमा पु¥याउनु भएको योगदानको चर्चा गर्नुहुदै आफनो परिवारको तर्फवाट संचारग्रामलाई सक्दो सहयोग गर्ने वताउनुभयो । 

नेपाल ट्रेडयुनियन कांग्रेसको पुर्व केन्द्रिय अध्यक्ष लक्ष्मणवहादुर वस्नेतले सवै जातिय समुदायलाई आफनो भाषाको अपनत्व महसुस गराउन सके समग्र मुलुकको विकास हुने धारणा राख्नुभयो । 

कार्यक्रममा संचारग्राम विराटनगरका प्रमुख वलाराम चौधरीले संचारग्राको उदेश्य माथी  प्रकास पार्नु भएको थियो । 

नेकपा एमाले मोरङका अध्यक्ष वावुराम कार्की, राजवंशी  समाज विकास समितिका  विराटनगरका महासचिव चन्द्रप्रसाद राजवंशी तथा  समितिका  केन्द्रिय सल्लाहकार पानीलाल राजवंशीले भाषा साहित्यको विकासमा  रेडियो नेपालको भुमिका  महत्वपुण रहेको चर्चा गर्नुभयो | कार्यक्रमको सहजिकरण संचारग्रामकावरिष्ठ कार्यक्रमसहायक वलराम दाहालले गर्नु भएको थियो ।

सो अवसर महानगरपालिकाका प्रमुख नागेश कोइराला र रेडियो नेपालको कार्यकारी निर्देशक वुद्धिवहादुर केसीले सयुक्त  रुपमा शिलालेख  अनावरण गर्नुहुर्दै राजवंशी भाषा समाचार प्रसारणको शुभारम्भ गर्नु भएको थियो ।

कार्यक्रममा राजवंशी, मुडियारी, मधेशी थारु लगायत विभिन्न जातिय समुदाय तथा  संघसंस्था प्रतिनिधिको सहभागिता थियो । आज देखि शुरु भएको राजवंशी भाषाको समाचार हरेक दिन महानगर एफएममा दिउसो १ वजेर  ४५ मिनेटमा प्रसारण हुने छ ।    

विराटनगर | विराटनगर महानगरपालिकाका मेयर नागेश कोइरालाले लागूऔषध दुव्र्यसनी नियन्त्रणका लागि परिवारको महत्वपूर्ण भूमिका हुने बताउनुभएको छ ।

कोशी प्रदेश प्रहरी कार्यालय विराटनगरले रानीमा आयोजना गरेको ‘दुव्र्यसनी नियन्त्रणका लागि आमाहरू’ अभियानको शुभारम्भ कार्यक्रमलाई सम्बोधन गर्दै मेयर कोइरालाले दुव्र्यसनी नियन्त्रणका लागि परिवारसँगै आमाहरूको विशेष भूमिका हुने बताउनुभयो । उहाँले घरपरिवार सचेत भए परिवारका कोही पनि सदस्य दुव्र्यसनी नफस्ने दाबी गर्नुभयो । ‘आफ्नो छोराछोरी कता जाँदैछन्, के गर्दैछन् भनेर चासो राख्ने गरेमा लागूऔषधको दुव्र्यसनी नियन्त्रण गर्न सकिन्छ,’ उहाँले भन्नुभयो, ‘बाहिरबाट घर आएपछि छोराछोरीसँग गफ गर्ने, उनीहरूका समस्या सुनिदिने गर्नुपर्दछ । उनीहरूसँग घुलमिल हुनुपर्दछ । जसले गर्दा उनीहरूका समस्या बुझ्न सकिन्छ । विशेष गरी आमाहरूले छोराछोरीको बारेमा चासो राख्नुपर्दछ ।’

मेयर कोइरालाले कुनै पनिव्यक्तिरहरले दुव्र्यसनी नहुनेजिकिर गर्नुभयो । बाध्यता र विवशताका कारणले युवाहरू दुव्र्यसनीमा पर्ने गरेको उहाँको भनाइ थियो । लागूऔषध नियन्त्रणका लागि महानगरपालिकाले विभिन्न कार्यक्रम सञ्चालनगरिरहेको समेत मेयर कोइरालाले जानकारीदिनुभयो । उहाँले सीमावर्ती वडाहरूमा सचेतनामूलक कार्यक्रम सञ्चालन गर्नु बजेटको समेत व्यवस्था गरेको बताउनुभयो । मेयर कोइरालाले सीमावर्ती भारतीय बजारका औषधि पसललाई लागूऔषध बिक्री गर्न नदिन भारतीय पक्षसित कुराकानी भइरहेको जानकारी दिनुभयो ।

मोरङका प्रमुख जिल्ला अधिकारी प्रेमप्रसाद भट्टराईले पछिल्लो समय समाधार सुधारकको बाधकका रुपमा दुव्र्यसनी देखा परेको उल्लेख गर्नुभयो । उहाँले समाजलाई बिरामी र रोगी हुनबाट जोगाउन सबै लाग्नुपर्नेमा जोड दिनुभयो । प्रजिअ भट्टराईले दुव्र्यसनी छाडेर असल नागरिक बन्न सक्ने उहाँको धारणा थियो । ‘लागूऔषधको कुलत छाडेर देशको असल नेता, कर्मचारी, व्यापारी, उद्योगी, बन्न सकिन्छ ।’

प्रदेश प्रहरी प्रमुख डीआईजी चन्द्रकुवेर खापुङले पारिवारिक कलह, असफलता, साथीभाइको गलत संगतलगायतले युवाहरू दुव्र्यसनीमा पर्ने गरेको बताउनुभयो । उहाँले आमाहरू जिम्मेवार भएमा दुव्र्यसनीलाई न्यूनीकरण गर्न सकिने प्रस्ट पार्नुभयो । डीआईजी खापुङले हरेक घरपरिवारले आफ्ना परिवारका सदस्यको समस्या बुझेर बेलैमा समाधान गरेमा दुव्र्यसनीमुक्त समाज निर्माण गर्न सकिने धारणा राख्नुभयो । उहाँले भन्नुभयो, ‘हामी समाज बिग्रियो भन्छौं । हामी सबै जिम्मेवार भएर पहिला घरलाई सुधार गर्ने हो भने हरेक घरमा कोही पनि दुव्र्यसनी नहुने हो भने समाज र राष्ट्र नै दुव्र्यसनीमुक्त हुनेछ । पहिला घरबाटै सुरु हुनुपर्दछ । घरपरिवार नै जिम्मेवार हुनुपर्दछ ।’

वडा नम्बर १५ का अध्यक्ष प्रकाश साहले सीमावर्ती क्षेत्रमा हुने लागूऔषधको ओसारपासर, बिक्रीवितरण र सेवनलाई न्यूनीकरण गर्न सरोकारवाला निकायबीच सहकार्य हुनुपर्नेमा जोड दिनुभयो । उहाँले प्रयोगकर्तालाई मात्रै लक्षित गरेर कार्यक्रम सञ्चालन गर्दा अभियानले सार्थकता नपाउने विचार व्यक्त गर्नुभयो । उहाँले प्रयोगकर्तासँगै बिक्रेता, ओसारपसारमा संलग्न व्यक्तिहरूसम्म अभियानलाई पु¥याउन सुझाव दिनुभयो । 

कोशी प्रदेश प्रहरी कार्यालयका वरिष्ठ प्रहरी उपरीक्षक एसएसपी भीम दाहालले लागूऔषधको दुव्र्यसनीले समाजलाई भयावह बनाउँदै लगेको बताउनुभयो । परिवार र समाजलाई दुव्र्यसनीले ध्वस्त बनाउने अवस्थामा पुगेको भन्दै उहाँले सबैले बेलैमा ध्यान दिनु आवश्यक रहेको औंल्याउनुभयो । कोशी प्रदेशमा लागूऔषध सेवन गर्ने ५३ प्रतिशत १६ देखि २५ वर्ष उमेर समूहका व्यक्तिहरू भएको उहाँले जानकारी दिनुभयो । उहाँले कोशी प्रदेशमा ४ हजार ५ सय महिलासहित मात्रै ३४ हजार दुव्र्यसनी रहेको तथ्यांक प्रस्तुत गर्नुभयो । दुव्र्यसनीविरुद्ध आमाहरू अभियानअन्तर्गत १२४ वटा पालिकामा समूह गठन गरिसकेको उहाँले बताउनुभयो ।

मोरङका प्रहरी प्रमुख एसपी नवराज कार्कीले लागूऔषध सेवन गर्नेको संख्या हरेक वर्ष बढ्दै गएको बताउनुभयो । उहाँले चालु आर्थिक वर्ष २०८०÷८१ मा मोरङमा ३२५ वटा लागूऔषधका मुद्दा दर्ता भएको जानकारी दिनुभयो । त्यसमध्ये २३४ वटा फछ्र्यौट भइसकेको उहाँको भनाइ थियो । त्यस्तै २६ महिलासहित ४३० जना पक्राउ गरिएको एसपी कार्कीले बताउनुभयो । 

कार्कीले ५७८ ग्राम हिरोइन, २ हजार २२५ किलो गाँजा, ३ हजार १८३ एप्पुल, ५ हजार ६८ चक्की, ८१ दशमलव ४९० ग्राम चरेशसमेत बरामद गरेको जानकारी दिनुभयो । उहाँले प्रहरीको एक्लो प्रयासले मात्रै लागूपदार्थ नियन्त्रण गर्न गाह्रो भएकाले सबैको सहकार्य र समन्वयले नियन्त्रण गर्न सकिने धारणा राख्नुभयो । सामाजिक अभियन्ता सदिना खातुनङले सीमा नाकामा कडाइ गर्नुपर्नेमा जोड दिनुभयो ।

विराटनगर |  विराटनगरस्थित विराट साहित्य संगमको नियमित मासिक साहित्यिक शृंखला सम्पन्न भएको छ ।

राष्ट्र सेवक बहुमुखी सहकारी संस्था लिमिटेडसँगको सहकार्यमा संगमले हरेक महिनाको अन्तिम शनिबार साहित्यिक शृंखला सञ्चालन गर्दै आएको छ । २ सय १६ औं शृंखलामा कवि खेम नेपाली, हरि कट्टेल, भीम कोइराला, मीनकुमार नवोदित, बाबुराम पोखरेल, मीना श्रेष्ठ, शारदा भट्टराई, अच्युतमणि पौडेल, वासुदेव नेपाल, माहनसिंह लिम्बू, कुमार श्रेष्ठ, ऋषि तिवारी, भूपाल अधिकारी, शारदा कार्कीले आ–आफ्ना सिर्जना वाचन गरे ।

साहित्यकार गोपाल निर्भीकको सभापतित्व तथा साहित्यकार शम्भुप्रसाद भट्टराईको प्रमुख आतिथ्यतामा भएको गोष्ठीमा भरत गुरागाईं बर्बरिक, अच्युत खतिवडा, स्वयम्भूनाथ कार्की, भवानीप्रसाद पोखरेल, चन्द्रकान्त पोखरेल, अम्विका खरेल, लक्ष्मी युग्मी, जमुना पौडेल, सिर्जना प्रसाईं ढुंगाना, पुष्पा सायरा, लक्ष्मी पोखरेल, लक्ष्मी रायमाझी, प्रा.डा. मेदिनीप्रसाद शर्मा, रोहिणी रसिक, हरिप्रसाद बराल, भीमेन्द्रबहादुर कार्की, उमानाथ घिमिरे, तारानाथ पोखरेललगायत तीन दर्जनभन्दा बढी साहित्यकारहरुले कविता, गजल, मुक्तक, लघुकथा प्रस्तुत गरेका थिए । कार्यक्रममा प्रतिभा पुरस्कार प्रतिष्ठानद्वारा पुरस्कृत विराट साहित्य संगमका अध्यक्ष मधु पोखरेललाई बधाई ज्ञापन गरिएको थियो ।

विराटनगर |  विराटनगरस्थित एभरेष्ट बोर्डिङ स्कुलले आयोजना गरेको कविता प्रतियोगितामा ‘वर्तमान’ शीर्षकको कविता वाचन गरेर कक्षा–१० की छात्रा रिजु अधिकारी प्रथम भएकी छन् ।

आदिकवि भानुभक्त आचार्यको २११ औं जन्मजयन्तीका अवसरमा आयोजित प्रतियोगितामा ३२ जना प्रतिस्पर्धीलाई पछि पार्दै रिजुले प्रथम पुरस्कार जित्न सफल भएकी हुन् । उनले नगद १० हजार पुरस्कारसहित ट्रफी र प्रमाणपत्र प्राप्त गरिन् ।

त्यस्तै ‘मेरो देश मलाई गर्व लाग्छ’ शीर्षकको कविता वाचन गर्ने कक्षा–१२ का खिलराज ढकाल द्वितीय, ‘मैले नगरे कसले गर्ने ?’ शीर्षकको कविता वाचन गरेर कक्षा–१२ कै सुजल कोइराला तृतीय र ‘हाम्रा भानु’ शीर्षकको कविता वाचन गरेर कक्षा–५ की छात्रा बेबिका पनेरु सान्त्वना भइन् । 

कवि एवं पत्रकार मीनकुमार नवोदित र साहित्यकार निर्मला कोइराला रहेको निर्णायक समितिले वाचन गर्ने कविहरूमध्येबाट चारजनाको नाम घोषणा गरेको थियो । कार्यक्रमका प्रमुख अतिथि प्राज्ञ खेम नेपाली र विद्यालयका प्राचार्य टीकाराम पुरीले प्रथम, द्वितीय, तृतीय र सान्त्वना हुनेलाई क्रमशः ७, ५ र ३ हजार नगद पुरस्कारसहित ट्रफी र प्रमाणपत्र प्रदान गरेका थिए ।

विद्यालयका सहायक प्राचार्य नारायण कडरियाले सञ्चालन गरेको कार्यक्रममा मकालु साहित्य समाज संखुवासभाका अध्यक्ष ताराबहादुर बुढाथोकीसहित  खम्बसिंह नेपाल, तारा काफ्ले, रिवाज खतिवडा, अस्मिता भट्टराई, जयकुमार थापामगर, रमेश ओझा, तुलसा भट्टराई, अच्युत आचार्य, सरस्वती पराजुलीलगायत एक दर्जन शिक्षक शिक्षिकाहरूले समेत कविता वाचन गरेका थिए । 

कार्यक्रमलाई सम्बोधन गर्दै प्राज्ञ नेपालीले भाषा, साहित्य र संस्कृतिलाई समाजलाई जोड्ने बताए । उनले भाषा, साहित्य र कलाको विकास बिना मुलुकको समग्र विकास हुन नसक्ने दाबी गरे । उनले भाषा र साहित्य मुलुकको प्राण भएको टिप्पणीसमेत गरे । प्राचार्य पुरीले विद्यार्थीभित्र लुकेर रहेको प्रतिभालाई प्रस्फुटन गराउने उद्देश्यले विद्यालयले कविता प्रतियोगिता आयोजना गरेको जानकारी दिए । 

पुरीले विद्यालयले समय–समयमा कविता, वक्तृत्वकला, वादविवाद, चित्रकलालगायतका सिर्जनात्मक अतिरिक्त क्रियाकलापसमेत गर्दै आएको बताए । प्राचार्य पुरीले विद्यालयले अध्ययनसँगै अतिरिक्त क्रियाकलापलाई समेत उच्च प्राथमिकतामा राखेर कार्य गरिरहेको उल्लेख गरे । प्रतियोगितामा ३२ जना विद्यार्थीले कविता वाचन गरेका थिए ।

विराटनगर,२९ असार | विराटनगर–३ मा स्थापित गरिएको सिद्धेश्वर महादेव मन्दिर तथा सामुदायिक भवनको उद्घाटन गरिएको छ । बालसन्त मोहनशरण देवाचार्यले शुक्रबार उक्त मन्दिर तथा सामुदायिक  भवनको उद्घाटन गर्नुभएको हो ।

भारतको नर्मदा नदीबाट प्राकृतिक शिबलिङलाई स्थापित गरिएको छ । तीन दिन सम्म ७ जना पण्डितहरुले होम होमादी गरी प्राणप्रतिष्ठा गरिएको मन्दिर तथा सामुदायीक भवनका अध्यक्ष रामप्रसाद घिमिरेले जानकारी दिए ।

वि.स.२०७९ सालमा माघमा बालब्यास पं.कपिलदेव चालिसेद्वारा वाचन गरी भएको श्रीमद्भागवत् महापुराणवाट संकलित रकम बाट मन्दिर तथा सामुदायिक भवन बनेको हो ।

यो मन्दिर विराटनगरका लागि नौलो पनि रहेको छ । मन्दिरको छानो पित्तलबाट बनाइएको छ । नर्मदा नदीबाट प्राकृतिक शिबलिङ ल्याइएको हुदा यसको महत्व पनि उत्तिकै रहेको छ ।

 

विराटनगर असार २९ गते | कोशी प्रदेशका मुख्यमन्त्री हिक्मतकुमार कार्कीले भानुभक्त आचार्यले नेपाली भाषा, साहित्य र संस्कृतको एकतामा ठूलो योगदान गर्नुभएको बताउनुभएको छ । 

आदिकवि भानुभक्त २११औँ  जन्म जयन्तीका अवसरमा मुख्यमन्त्री कार्कीले आज शुभकामना सन्देश जारी गर्दै नेपाली भाषाको आदिकविका रूपमा चिनिने उहाँलाई बिर्सिएर नेपाली साहित्य पूर्ण हुन नसक्ने बताउनुभएको हो । 

‘सरलता, धार्मिकता र राष्ट्रियताको अद्भुत एकता झल्काएर लेखिएका उहाँका साहित्य हाम्रा लागि प्रेरणाका स्रोत हुन्,’ शुभकामना सन्देशमा भनिएको छ, ‘नेपाली भाषाको आदिकविका रूपमा चिनिने उहाँलाई बिर्सिएर नेपाली साहित्य पूर्ण हुन सक्दैन । नेपाली वाङ्मयका नेपाली लेखक कविहरूका आधार स्तम्भ भानुभक्त नै हुनुहुन्छ ।’

मुख्यमन्त्री कार्कीले भानुभक्तले सांस्कृतिक एकीकरण गरेर नेपाली भाषालाई एउटै मालामा गाँसेको बताउनुभएको छ । भानुभक्तले रचना गरेको रामायणदेखि विभिन्न धार्मिक वा ऐतिहासिक छन्दात्मक ग्रन्थहरू आज समाजको सम्पत्तिको रूपमा स्थापित भइरहेको उहाँले बताउनुभयो ।

नेपाली साहित्यमा एकैपल्ट भाषा, साहित्य, संस्कृति, धर्म, दर्शन, परम्परा, चरित्र, मर्यादा, पितृ प्रेम, भातृत्व, दाम्पत्य, कर्तव्य, देश प्रेमजस्ता समग्र विषयको समन्वय एवं समष्टि भाव प्रदान गरेर भानुभक्तले नेपालको राष्ट्रिय विभूतिजस्ता सम्मान पाउनुभएको मुख्यमन्त्री कार्कीले स्मरण गर्नुभएको छ । 

कोशी प्रदेश सरकार विगत देखिनै भाषा, साहित्यको उत्थान र प्रवर्द्धनमा लाग्दै विभिन्न कामहरू गरिरहेको बताउनुहुँदै उहाँले प्रदेशका स्रष्टाहरूलाई सम्मान गरेर यो क्षेत्रमा सरकारले काम गरिरहेको बताउनुभयो ।  

सबै नेपालीबिच आपसी विश्वास, प्रेम र एकताको भावनालाई प्रगाढ होस् भन्दै मुख्यमन्त्री कार्कीले भानुभक्तको जन्म जयन्तीका अवसरमा नेपालभित्रका सबै जातजाति, भासाभासी, साहित्य र संस्कृतिप्रतिको प्रेम, सम्मान एवं संरक्षण गर्न प्रेरणा मिलोस् भन्ने कामना व्यक्त गर्नुभएको छ ।

विराटनगर - कोशी प्रदेशका मुख्यमन्त्री हिक्मतकुमार कार्कीले प्रदेशप्रतिको घृणा र आक्रोशलाई बदल्नेगरी काम गर्न मन्त्रालयका सचिवहरुलाई निर्देशन दिनुभएको छ । 

शुक्रबार प्रदेश सरकार अन्तर्गतका मन्त्रालय र निकायका सचिवलाई निर्देशन दिदै उहाँले प्रदेशप्रति असन्तुष्टि बढेको र त्यसलाई कम गर्नेगरी काम गर्नका लागि सचिवहरुलाई निर्देशन दिनुभयो । उहाँले भन्नुभयो, 'अहिले प्रदेशमा घृणा, आक्रोश छ । त्यसलाई बदलेर अब प्रदेश सरकार देख्न, सकिने, छाम्न सकिने र हेर्न सकिने गरी काम गर्नुपर्छ । '

 सचिवहरुलाई निर्देशन दिँदै कार्कीले आगामी वर्षको कार्ययोजना साउन १५ भित्र बनाउन र ठूला योजनाहरुलाई पहिलो चौमासिकबाटै सुरु गर्नुपर्ने बताउनुभयो । उहाँले असारे विकासका बारेमा आलोचना व्यापकरुपमा आएको र अब आउँदो वर्ष जेठ १५ पछि कुनै पनि तालिम, गोष्ठी लगायतका अन्य कामहरु नगर्न निर्देशन दिनुभयो । उहाँले भन्नुभयो, 'सबै कामहरु जेठ १५ भित्र सक्नेगरी अठोट गरेर योजना बनाउने र त्यसैगरी लाग्ने तयारी गरौँ ।'

प्रदेश सरकारले कुनैपनि कानुनहरु सच्याउनुपर्ने, खरिद ऐन सच्याउनुपर्ने अवस्था भए तत्कालै सच्याउन तयार रहेको र सोही अनुरुप मन्त्रालयले काम गर्नुपर्ने उहाँले बताउनुभयो । 

उहाँले शासकीय सुधारमा जोड दिँदै सुशासनमा ध्यान दिन र भ्रष्टचारमा शून्य सहनशीलता अपनाएर काम गर्नसमेत निर्देशन दिनुभयो । आगामी वर्षदेखि योजना बैंक सञ्चालन गरेर अर्को आर्थिक वर्षमा योजना बैंकमा आएका योजना हेरेर बजेट बनाउनेगरी अहिले देखिनै त्यसको तयारी गर्नुपर्ने जानकारी दिनुभयो । 

उहाँले योजना बैंकका बारेमा सबैलाई जानकारी दिने र त्यसको औचित्य र आवश्यकताबारेमा बताउँदै त्यसतर्फ आकर्षित गर्नका लागि सचेतना कार्यक्रम गर्नपनि निर्देशन दिनुभयो ।