खोटाङंमा झाडापखालाबाट एक बालकको मृत्यु भएको छ ।

 श्याम राई, उदयपुर  गाईघाट, ३ भदौ | खोटाङंमा झाडापखालाबाट एक बालकको मृत्यु भएको छ । दिप्रुङ चुईचुम्मा गाउँपालिका–१ याम्खाका ४ बर्षिय दिप्सन भुजेलको आईतबार साँझ ४.३० बजे दिक्तेल अस्पतालमा उपचारको क्रममा मृत्यु भएको हो ।

तिन दिनदेखि झाडापखालाबाट बिरामी भएको बालकको आफन्तले उपचारको लागि दिउँसो ३ बजे अस्प्तालमा ल्याएका थिए । चिकित्सकले उपचार गर्दा गर्दै बालकको डेढ घण्टापछि मृत्यु भएको अस्पतालका प्रमुख डा.रुपेश सङ्ग्रौलाले बताए ।

बिरामी निकै सिरियस अबस्थामा ल्याईएको थियो । हामीले बचाउने निकै प्रयास ग¥यौ  तर बालकलाई बचाउन सकिएन । उनले भने । चाडै उपचारमा ल्याएको भए बालकलाई बचाउन सकिने थियो । उनले भने ।

गाउँमा झाडापखालाका अन्य बिरामी समेत रहेको खुल्न आएको छ । मृतक बालकको दुई दाजुभाई समेत झाडापखालाको बिरामी रहेको र उनीहरुको गाउँमै उपचार भैरहेको स्थानीय दिलिप खत्रीले बताए । बिरामी उनीहरुलाई उपचारको लागि अस्पतालमा ल्याउने तयारी भैरहेको छ ।