पहिरोले काठ बोकेको ट्रकलाई बगाएर तल खोल्सोमा झारेको छ

 श्याम राई, उदयपुर  गाईघाट, ३१ श्रावण | सिद्धिचरण राजमार्ग अन्तर्गत कटारी– १४ घुर्मि– लामिडाँडा सडक खण्डमा बुधबार राती गएको पहिरोले काठ बोकेको ट्रकलाई बगाएर तल खोल्सोमा झारेको छ ।

ओखलढुंगादेखि उतिसको काठ बोकेर ईटहरीतर्फ आउँदै गरेको प्र–०२–००–२ ख ०१२६ नम्बरको ट्रकलाई पहिरोले बगाउँदा सडक देखि झण्डै २० मिटर तल झरेको प्रहरीले जनाएको छ ।

पानी परीरहेको बेला साघुरो बाटो देखेर ट्रकको चालक र सह–चालक तल झेर बाटो हेर्नेक्रममा माथिदेखि झरेको पहिरो र सडक भासिएर ट्रक बगेको ईलाका प्रहरी कार्यालय कटारीका प्रहरी नायब उपरीक्षक शुभाष राईले बताए ।

उनले गाडीका स्टाफहरु बाहीर रहेकोले मानविय क्षेति भने नभएको   बताए । चालक ललित बिश्वकर्माले रोकिराखेको गाडी पहिरो र सडक बगेर तल खसेको बताए । हामीहरु गाडीबाट तल उत्रिएको दस मिनेट नहुदै पहिरो खसेको बताए । तल बाटो हेर्न झरेको कारण आफूहरु बाच्न सफल भएको उनले बताए ।

प्रहरीले तल झरेको ट्रक निकाल्ने प्रयास भैरहेको जनाएको छ ।