फरार रहेका एक प्रतिबादी ९ बर्षपछि पक्राऊ

श्याम राई, उदयपुर  गाईघाट, २९ श्रावण   |  बलात्कार मुद्दामा दोषी ठहर भै फरार रहेका एक प्रतिबादी ९ बर्षपछि पक्राऊ परेकाछन् ।

सुस्त मनस्थितिकी १४ बर्षिया बालिकालाई बलात्कार गरेको अभियोगमा जिल्ला अदालत खोटाङंले १३ बर्ष कैदको फैसला गरेको खोटाङं साकेला गाउँपालिका–२ रतन्छाका बर्ष ३६ का नरदेश राईलाई आईतबार प्रहरीले पक्राऊ गरेको हो । उनी घर मै लुकेर बसेको बेला पक्राऊ परेका हुन् ।

अदालतले सोमबार राईलाई कैद भुक्तानको लागि खोटाङ कारागार पठाएको प्रहरीले जनाएको छ  ।

२०७२ माघ १८ गते राती १२ बजेको समयमा राईले ति बालिकालाई सुतेको बेला बलात्कार गरेका थिए । बलात्कारपछि राई फरार थिए ।

राई बिरुद्ध बलात्कार मुद्दा चल्दै गर्दा २०७९ चैत्र ३० गते अदालतले राईलाई दोषी ठहर गर्दै १३ बर्ष कैद सजायको फैसला गरेको प्रहरी नायब उपरीक्षक पुरुषोत्तम खड्काले बताए ।