चिसापानीमा दुर्घट्ना हुँदा ४ जना घाईते

श्याम राई, उदयपुर  गाईघाट, २१ श्रावण | गाईघाटदेखि काठमाडौं जाँदै गरेको रात्री बस सोमबार दिउँसो मदन भण्डारी राजमार्ग अन्तर्गत गाईघाट–नेपालटार सडक खण्डको चिसापानीमा दुर्घट्ना हुँदा ४ जना घाईते भएकाछन् ।

गाईघाट बसपार्कबाट छुटेको बा.००१ ख १६८३ नम्बरको गुगल ट्राभल्सको गाडी अगाडीको टायर पम्चर भएर चालकले बे्रक लगाउँदा सडकदेखि बायातर्फको धानबारीमा पल्टिएको प्रहरीले जनाएको छ ।

गाडीमा ११ जना यात्रु रहेकोमा गाडीका कन्टेक्टर र सहचालक र अन्य दुई यात्रीगरि ४ जना घाईते भएकोमा उनीहरुको जिल्ला अस्पताल उदयपुरमा उपचार भैरहेको छ । घाईते सबैको अबस्था सामान्य रहेको छ ।