बैकिंङ्क कसुर मुद्दामा फरार एक प्रतिबादी पक्राऊ

श्याम राई, उदयपुर  गाईघाट, २९ श्रावण |  खोटाङमा बैकिंङ्क कसुर मुद्दामा फरार एक प्रतिबादी पक्राऊ परेकाछन् ।

मोटरसाईकल खरिद गरेर ब्यापारीलाई खातामा पैसा नभएको चेक दिएर ठगी गरेको जाहेरीको आधारमा दिक्तेल रुपाकोट मझुवागढी–१२ जाल्पा बस्ने बर्ष ३७ का हेमन्त राईलाई प्रहरीले पक्राऊ गरेको हो ।

राईलाई काठमाडौं–६ बौद्धबाट श्रावण २४ गते पक्राऊ गरि आईतबार खोटाङं प्रहरी कार्यालयमा ल्याईएको हो । कार्तिक ७ गते खोटाङंस्थीत अटो लिङं्क प्रालिबाट राईले मोटरसाईकल खरिद गरेका थिए । उनले अटो लिङं्कलाई ३ लाखको चेक दिएका थिए ।

 उनले दिएको चेक खातामा पैसा नभएकोले पटकपटक बैंक जादा समेत फिर्ता भएपछि बैंकले चेक बाउन्स गरिदिएको थियो । चेक बाउन्सपछि अटो ब्यापारी रोशन सैजुले प्रहरीमा लिखित उजुरी दिएका थिए । प्रहरीले सैजुको उजुरीको आधारमा राईलाई पक्राऊ गरेको प्रहरी नायब उपरीक्षक पुरुषोत्तम खड्काले बताए ।

अदालतबाट ७ दिनको म्याद थपगरि थप अनुसन्धान भैरहेको उनले   बताए ।