खोटाङंमा पहिरोले पुरीएर एक शिक्षिकाको मृत्यु

श्याम राई, उदयपुर  गाईघाट, ३१ श्रावण। खोटाङंमा पहिरोले पुरीएर एक शिक्षिकाको मृत्यु भएको छ ।

बिद्यालयतर्फ जादै गरेको बेला बिहीबार बिहान १० बजेको सयममा रावाबेसी गाउँपालिका–३ नम्बर वडा कार्यालय छेउको बाटोमा माथि देखि झरेको पहिरोले पुरीएर लामिडाँडास्थीत बिश्वज्योति उच्च माबिकी शिक्षिका ५७ बर्षिया साबित्रादेबी नेवारको घट्नास्थलमै मृत्यु भएको प्रहरीले जनाएको छ ।

राती परेको पानीको कारण बाटो देखि झण्डै ३० फिट माथि देखि पहिरो खसेको प्रहरीले जनाएको छ । बिद्यालय पढाउने जाने क्रममा उक्त घट्ना भएपछि बिद्यालय बन्द गरिएको छ । मृतकको शब पोष्टमार्टमको लागि जिल्ला अस्पताल दिक्तेलमा राखिएको छ । घट्नाको अनुसन्धान भैरहेको प्रहरी नायब उपरीक्षक पुरुषोत्तम खड्काले बताए ।