गाडी दुर्घटना हुदा एक शिक्षिकाको मृत्यु

श्याम राई, उदयपुर  गाईघाट, ५ भदौ | गाईघाट–कदमाहा सडक खण्डको चुरे जंगलमा भदौ २ गते बिङगर गाडी दुर्घटना हुदा एक शिक्षिकाको मृत्यु भएको थियो ।

गाईघाटदेखि लाहानतर्फ जादै गरेको उक्त गाडी ओरालोमा ढुंगालाई ठक्कर दिएर सडक देखि तल खोल्सामा झरेको थियो । दुर्घट्नामा शिक्षिका गिता कार्कीको घट्नास्थलमै मृत्यु भयो भने अन्य १९ जना घाईते भएका थिए । आफनै सुरमा गुडिरहेको गाडी ओरालोमा सडक छेऊमा रहेको ठूलो ढुंगामा एक्कासी ठोक्किएर अर्को तर्फबाट आउँदै गरेको कारलाई समेत हल्का ठक्कर दिदै दुर्घटना भएको थियो ।

चुरे मन्दिर देखि दुई घुम्ति ओरालो आउने बित्तिकै सडकलाई अबरोध गर्ने हिसाबले ढुंगा खसेर बसेको झण्डै २ महिना भैसक्दा समेत सरोकारवाला निकायले हटाउने प्रयास गरेको छैन । २ दिन अघि भएको उक्त सडक दुर्घट्नाको प्रमुख कारण पनि सडक छेऊको ढुंगालाई मानिएको छ ।

आफनै गतिमा आईरहेको कुनै पनि सबारी साधनलाई दुई घुम्ति पार गरेपछि ओरालोमा एक्कासी ढुंगा अगाडी देखेपछि संतुलन गुम्ने गरेको स्वयम चालकहरुले बताउने गरेकाछन् । अस्तिको दुर्घट्ना पनि चालकले एक्कासी ढुंगाको सामना गर्नु पर्दा भएको हिमाली बसका चालक रुस्तम चौधरीले बताए । हामी त झुक्किने गरेका छौ, घुम्ति पछिको ओरालो अनि नजिकै सडकमा बडेमानको ढुंगा , उनले भने । आफनै सुरुमा गाडी चलाएर आईरहदा एक्कासी ढुंगाको सामना गर्नु पर्दा सबारी साधन नियन्त्रण गर्न कठिन हुने गरेको उनले बताए ।

चालकले नियन्ण गुमाउदा ढुंगामा एक्कासी ठोकिएर २ दिन अघि गाडी दुर्घट्ना भएर मानविय क्षेति भएको उनले बताए । सडक छेऊको उक्त ढुंगाकै कारण दुर्घट्ना भएको उनले बताए । अब उक्त ढुंगा तत्काल नहटाउने हो भने अरु पनि दुर्घट्ना नहुन नसक्ने भन्न नसकिने उनले बताए ।

उनले उक्त ढुंगा तत्काल हटाउन लहान सडक डिभिजन कार्यालयलाई खबरदारी गर्नु पर्ने बताए । लहान सडकका डिभिजन प्रमुख आशुतोष कर्णले सडकको ढुंगा हटाने काम भैरहेको बताए । भोलि सम्ममा ढुंगा हटाउने उनले बताए ।

असारमा परेको अबिरल बर्षाको कारण डाँडा देखि ढुंगा खसेको थियो । उक्त ढुंगाले सबारी आबगमनमा समेत अबरोध गर्दै आएको थियो । लामो समयदेखि सडकमा रहेको ढुंगा हटाउने तर्फ कसैको ध्यान गएको छैन ।