पेस्तोल सहित पक्राउ - हत्यारा पक्राउ

ताप्लेजुङ, असोज १८ गते । ताप्लेजुङको मिक्वाखोला गाउँपालिका(२ स्थितबाट पेस्तोल सहित एक जनालाई प्रहरीले पक्राउ गरेको छ । असोज १६ गते राती ९ बजे बिशेष सुचानाको आधारमा

जिल्ला प्रहरी कार्यालय ताप्लेजुङबाट खटिएको प्रहरी टोलीले मिक्वाखोला २ का २० बर्षीय उदय पन्थको घर कोठा खनतलासी गर्दा सिरानी मुनी लुकाई छिपाई राखेको अवस्थामा १ थान अटोमेटिक पस्तोल बरामद गरेको हो । पेस्तोल सहित पक्राउ परेका उनको थप अनुसन्धान तथा कानुनि कारवाही भईरहेको छ ।

बाम्फोक प्रहार गरी बाबुको हत्या  गर्ने पक्राउ

ताप्लेजुङको मिरिङ्देन गाउँपालिका - १ ओख्रेका ३२ बर्षीय सुमन ओख्रावु लिम्वुले आफ्नै बाबुलाई बाम्फोक प्रहार गरी हत्या गरेको आरोपमा प्रहरीले पक्राउ गरेको छ । असोज १७ गते बिहान घरायसी वाद बिवादको क्रममा ५५ बर्षीय श्याम ओख्रावु लिम्वुलाई उनकै छोरा सुमन ओख्रावु लिम्वुले धारिलो हतियार बाम्फोक प्रहार गर्दा घटना स्थलमा नै मृत्यु भएको थियो । 

 घटनाको जानकारी प्राप्तहुनासाथ तत्काल प्रहरी चौकी सान्थाक्राबाट खटिएको प्रहरी टोलीले बाबुको हत्यामा संलग्न छोरालाई घटनामा प्रयोग भएको बाम्फोक सहित पक्राउ गरेको छ । हत्यामा संलग्न रहेका लिम्वुको जिल्ला प्रहरी कार्यालय ताप्लेजुङबाट थप अनुसन्धान तथा कानुनि कारवाही भईरहेको छ ।