हिसान खेल सप्ताहमा विभिन्न स्पर्दाका खेलहरु सम्पन्न

विराटनगर माघ १३ गते । उच्च माध्यमिक शिक्षालय संघ (हिसान) मोरङले आयोजना गरेको खेलसप्ताह अन्तरगत आइतबार विभिन्न स्पर्दाका खेलहरु सम्पन्न भएका छन् ।

छात्रफुटबलमा रेडस्टार र कान्तिपुर कलेज विजयी भई सेमिफानलमा प्रवेश गरेको छ ।

पहिलो खेलमा रेडस्टार कलेजले जेभियर्स स्कुललाई २–० को गोल अन्तरले पराजित गरेको छ । रेटस्टारको जितमा सदानन्द मगर र छोसाङ गुरुङले १–१ गोल गरे । खेलको प्लेयर अफ द म्याच रेडस्टारका जोशन कार्की घोषित भए ।

दोस्रो खेलमा कान्तिपुर कलेजले शिक्षा सन्देश कलेजलाई २–० को गोल अन्तरले पराजित गरेको छ । कान्तिपुरको जितमा सोनु चौधरी र प्रशान्त लिम्बुले १–१ गोल गरे । खेलको प्लेयर अफ द म्याच कान्तिपुरका सरोज साह घोषित भए ।

छात्रा फुटबलमा साविक विजेता अर्किड कलेजले शिक्षादिप कलेजलाई ४–० को गोल अन्तरले पराजित गरेको छ । अर्किडको जितमा समिक्षा आचार्यले ह्ट्रिक गरिन । उनले ३ गोल तथा पुर्णीमा बास्तोलाले १ गोल गरिन् । खेलको प्लेयर अफ द म्याच अर्किडकी सुस्मिता बस्नेत घोषित भए ।

आइतबारनै वैजनाथपुर क्रिकेट मैदानमा क्रिकेट खेलमा ग्रिनल्याण्ड कलेज र मेरिल्याण्ड कलेज विजयी भई सेमिफानलमा प्रवेश गरेको छ ।

पहिलो खेलमा ग्रिनलयाण्ड कलेजले साविक विजेता कान्तिपुर कलेजलाई ९ विकेट पराजित गरेको छ । टस जितेर ब्याटिङ गरेको कान्तिपुरले निर्धारित १५ ओभरमा ७ विकेट गुमाई ८१ रन बनाएको   थियो । कान्तिपुरका हेमराज हमालले सर्वाधिक नटआउट २० रनको योगदान दिए । ग्रिनल्याण्डका फैजल अन्सारी, गोरीशंकर माझी र सन्जिव शर्माले २–२ विकेट लिए ।

जवाफमा ८२ रनको चुनौती पाएको ग्रिनल्याण्डले १३ दहमलव २ बलमा १ विकेट गुमाई लक्ष पार गरेको थियो । ग्रिनल्याण्डको जितमा सुनिल यालवले २७ रन बनाउँदा प्लेयर अफ म्याच हेमन्त शर्मा नटआउट २६ रनको योगदान दिए । कान्तिपुरका रामरतन यादवले १ विकेट लिए ।

दोस्रो खेलमा मेरिल्याण्ड कलेजले सेन्टजोसेफ कलेजलाई ९० रनले पराजित गरेको छ ।  टस जितेर ब्याटिङ गरेको मेरिल्याण्डले निर्धारित १८ ओभरमा ४ विकेट गुमाई १ सय ४५ रन बनाएको थियो । मेरिल्याण्डका कुष्ण देवले सर्वाधिक अविजित ५५ रनको योगदान दिए । सेन्टजोसेफका सुदिप ठाकुरले २ विकेट लिए ।

जवाफमा १ सय ४६ रनको चुनौती पाएको सेन्टजोसेफले १३ औं ओभरमा सवै विकेट गुमाई ५५ रनमा सिमित भयो । सेन्टजासेफले सर्वाधिक २० अतिरिक्तमा पाएको थियो । मेरिल्याण्डका प्लेयर अफ म्याच मौसम यादवले ह्याट्रिकसहित ५ विकेट लिए ।

आइतबार भएको बास्केटबलको पहिलो खेलमा शिक्षादिप कलेजले सगरमाथा कलेजलाई २१–७ को अन्तरले पराजित गरेको छ ।

दोस्रो खेलमा विकेभिएम कलेजले अरनिको कलेजलाई ४६–२१ को अन्तर पराजित गरेको छ ।

आइतबार टेवलटेनिसका फाइनल खेल सम्पन्न भएको छ । छात्र टीम इभेन्टतर्फ  विकेभिएम कलेजले मेरिल्याण्ड कलेजलाई ३–१ को सेट स्कोरले गरि उपाधि जितेको छ भने छात्रातर्फ अरनिको कलेजले सगरमाथा कलेजलाई ३–२ को सेट स्कोरले पराजित गर्दै उपाधि जितेको छ ।

छात्र एकलमा विकेभिएमका यथार्थ आचार्यले सगरमाथाका रजतरमण दवाडीलाई ३–० सेट स्कोरले पराजित गर्दै उपाधि हात पारेको छ भने छात्रातर्फ सगरमाथाकी रुवी मेहताले अरनिकोकी ओमकुमारी चौधरीलाई ३– को सेट स्कोरले पराजित गर्दै उपाधि जितिन् ।

भलिबलको छात्रर्फ पहिलो खेलमा कान्तिपुर कलेजले सगरमाथा कलेजलाई २–० को सेटले पराजित गरि सेमिफानलमा प्रवेश गरेको छ ।

दोस्रो खेलमा मोडर्न एरा कलेजले अर्किड कलेजलाई २–० को सेटले पराजित गरि सेमिफानलमा प्रवेश गरेको छ ।

तेस्रो खेलमा शिक्षा सन्देश कलेजले ग्रिनल्याण्ड कलेजलाई २–१ को सेटले पराजित गरि सेमिफानलमा प्रवेश गरेको छ ।

चौथो खेलमा रेड स्टार कलेजले विकेभिएम कलेजलाई २–० को सेटले पराजित गरि सेमिफाइनलमा प्रवेश गरेको छ ।

छात्रातर्फ मोडर्न एरा कलेजले कान्तिपुर कलेजलाई २–० को सेटले पराजित गरि सेमिफानलमा प्रवेश गरेको छ ।