छिमेकी लघुवित्तको गुनासो सुनुवाई तथा भेला सम्पन्न

मोहन कुमार राई, चैत्र २ गते | संखुवासभा, चैनपुर नगरपालिका स्थित दिलकुमारी भवनमा छिमेकी लघुवित्त वित्तीय संस्था लिमिटेड चैनपुर शाखाको ८ औं ग्राहक सदस्य गुनासो सुनवाई तथा भेला कार्यक्रम सम्पन्न भएको छ ।

वित्तीय संस्थाको ९३० सदस्य रहेको चैनपुर शाखाले आफ्नो ८ औं ग्राहक सदस्य गुनासो सुनवाई तथा भेला कार्यक्रम सम्पन्न गरेको शाखा प्रवन्धक श्याम प्रसाद कुश्वाहले जानकारी दिनुभयो । संस्थाका प्रदेश प्रवन्धक अभय शर्माले  ग्राहक तथा एकाई भेलाका कसदस्यहरुलाई कार्यक्रमलाई वित्तीय विषयमा सहजीकरण एवं प्रशिक्षण दिनुहुँदै विलासिताका वस्तु प्रयोगका लागि कर्जा प्रगोग नर्गन एवं कर्जा दुरुपयोगको परिणामको बारेमा समेत जानकारी दिनुभएको थियो । प्राप्त कर्जालाई उत्पादन मुलक एवं उत्पादनशिल क्षेत्रमा लगानी गर्न सके आर्थिक सम्वमृद्धि ल्यान सकिने समेत संस्थाका प्रदेश प्रवन्धक शर्माले वताउनुभयो । ग्राहक सदस्यहरुले आफ्ना गुनासो सुनाएका थिए भने समाधानको उपाय समेत बताइएको थियो ।

नेपाल राष्ट्र बैङ्कबाट ‘घ’ वर्गको इजाजत प्राप्त संस्थाको रुपमा सञ्चालित छिमेकी लघुवित्त संस्था लिमिटेडले देशको ६९ जिल्लामा १९७ शाखाबाट ४ लाख २५ हजार ८५ जना सदस्यहरुलाई ३९ अर्व बढी कर्जा लगानी, ३६ अर्व बचत संकलन गर्दै वित्तीय सेवा प्रदान गर्दै आएको संस्थाले जनाएको छ । संखुवासभामा मादी, चैनपुर, धर्मदेवीको मुढे र खाँदवारीबाट आफ्ना सेवा प्रदान गरिरहेको जनाएको छ ।

लघुवित्त संस्थाले प्रदान गर्ने बचत, कर्जा, व्यवसायीक तालिम, प्राविधिक सहयोग, व्याजमा छुट, विना धितो ७ लाख सम्म कर्जा प्राप्त गनृ सकिने, दलित, एकल महिला, जेष्ठ नागरिकलाई १ प्रतिशत व्याज छुट, बालभविष्य सेवा, उद्यमशिलता तालिम कर्जा,कर्जाको विमा, निःशुल्क इ–पासबुक, एटिएम कार्ड,  पशु विमा, हरके वर्षको उत्कृष्ट इकाइहरुलाई नगद पुरस्कार, प्रमाणपत्र तथा छोराछोरीलाई पढनलाई छात्रवृत्ति, एसइईमा उत्कृष्ट जिपिए ल्उाउने ग्राहक सदस्यका छोराछोरीलाई पुरस्कृत गर्ने, सेवा सुविधाको बारेमा समेत ग्राहक सदस्यहरुलार्इृ जानकारी दिइएको थियो । संस्थाले यो वर्ष ४९ हजार ४ सय ६५ जनालई वित्तीय साक्षरता कार्यक्रम अन्तरगत तालिम प्रदान गरिसकेको समेत संस्थाका प्रदेश प्रवन्धक अभय शर्माले वताउनुभयो ।

कार्यक्रममा छिमेकी लघुवित्त संस्थाका केन्द्रीय काठमाण्डौका विभागीय प्रमुख हरीराज लोहनी, प्रदेश अनुगमन अधिकृत अनन्त कुमार आचार्य, प्रदशे अधिकृत विष्णुवाबु पन्त, एवं संस्थाका कर्मचारीहरु पविना प्रधान, लक्ष्मी माया राई, स्याङमु शेर्पा तथा ग्राहक सदस्यहरुको उपस्थिति रहेको थियो ।